AES boıynsha referendým: Qansha ýchaske jumysy tańǵy saǵat 06:00-de bastalady

ASTANA. KAZINFORM – AES qurylysyna qatysty respýblıkalyq referendým kúninde elimizde 84 daýys berý ýchaskesi jumysyn taǵy saǵat 06:00-de bastaıdy. Bul týraly Ortalyq referendým komıssııasy tóraǵasynyń orynbasary Konstantın Petrov aıtty.

«Elimiz boıynsha mundaı 84 ýchaske bar. Olar: áskerı bólimder, vahtalyq eldi mekender men aýysym kestemen jumys isteıtin adamdar turatyn birneshe ýchaske. Eger aýysym tańǵy saǵat 07:00-de bastalsa, onda qazaqstandyqtar tańerteńgi 06:00-den daýys bere alady», - dedi ol. 

Onyń dereginshe, mundaı ýchaskelerdiń kópshiligi Qaraǵandy men Abaı oblystarynda, sonymen qatar Almaty qalasynda, al vahtalyq eldi mekender Aqtóbe men Mańǵystaý oblystarynda ornalasqan.

Aıta keteıik, 6 qazanda ótetin referendýmda daýys berýge arnalǵan 10 323 ýchaske jumys isteıdi. Onyń ishinde 59 sheteldegi mekemeler janynan ashylǵan 74 referendým ýchaskesi bar. 

Buǵan deıin Izraıl, Iran jáne Lıvandaǵy referendým ýchaskeleri jumysyn toqtatqanyn, bul eldegi 238 otandasymyz daýys bermeıtindigin jazǵan edik.