Aeroǵarysh komıtetiniń teńgerimindegi múlik «Báıterek» AQ menshigine beriledi
«Osy qaýlynyń qosymshasyna sáıkes, respýblıkalyq múlik Qazaqstan Respýblıkasynyń zańnamasynda belgilengen tártippen QR Tsıfrlyq damý, ınnovatsııalar jáne aeroǵarysh ónerkásibi mınıstrliginiń Aeroǵarysh komıteti respýblıkalyq memlekettik mekemesiniń teńgeriminen «Báıterek» Qazaqstan-Reseı birlesken kásiporny AQ aktsııalaryn tóleýge berilsin. Qarjy mınıstrliginiń Memlekettik múlik jáne jekeshelendirý komıteti QR Tsıfrlyq damý, ınnovatsııalar jáne aeroǵarysh ónerkásibi mınıstrligimen birlesip, zańnamada belgilengen tártippen osy qaýlynyń 1-tarmaǵynan týyndaıtyn qajetti is-sharalardy júzege asyrsyn», - delingen «Ashyq» NQA portalynda jarııalanǵan Úkimet qaýlysynyń jobasynda.
Qujatta kórsetilgendeı, «Báıterek» AQ menshigine jalpy sany 446 múlik beriledi.
«Jobany qabyldaýdyń maqsaty – QR Tsıfrlyq damý, ınnovatsııalar jáne aeroǵarysh ónerkásibi mınıstrliginiń Aeroǵarysh komıteti respýblıkalyq memlekettik mekemesiniń teńigeriminen múlikti Birlesken kásiporynnyń aktsııalaryn tóleýge berý», - dep túsindirme berilgen qaýlyǵa.
Qujat 3 mamyrǵa deıin kópshilik talqylaýda bolady.