Advokattar kodeksin qabyldaıtyn ýaqyt merzimi ótip barady - Joǵarǵy Soty Tóraǵasy
«Advokattardyń kodeksin qabyldaıtyn ýaqyttyń merzimi tipti ótip bara jatyr. Óıtkeni, qazirgi ýaqytta bizdiń qoǵamda árbir azamatqa, árbir tulǵaǵa óz quqyn qorǵaý úshin kásibı deńgeıi joǵary advokattyń kómegi qajet bolyp jatqanyn kórip otyrmyz», - dedi ol.
Al osy kómek qandaı deńgeıde atqarylyp jatyr degen máselege de keńinen toqtalyp ótken Tóraǵanyń aıtýynsha, taza, shynaıy, kásibı deńgeıi joǵary kómekpen qatar ókinishke oraı shala-pula, shala saýatty, tek qana aldyna kómek surap kelgen adamnyń gonoraryn óıtip-búıtip alyp, isti qalaı bolsa, solaı atqara salatyn da kómek túri kezdesip jatady.
«Sonyń nátıjesi sotqa kelgende kórinip jatady. Keıbir sot sheshimderin qarap otyrsańyz, taraptyń múddesin qorǵap júrgen advokattyń óz jumysyn, qyzmetin tolyq atqarmaǵandyǵynan ádildikke qol jetkize almaı júrgen adamǵa durys kómek kórsetilmeı júrgendigin de kórip júrmiz», - dedi ol.
B.Beknazarovtyń paıymynsha, advokattar kodeksi eń birinshiden halyqtyń jaǵdaıymen sáıkes bolýy kerek. Máselen, advokattardyń alatyn gonorary halyqtyń turmysyna saı bolýy, barlyǵy bir-birimen úılesimdi bolýy tıis», - dedi ol.
