Ádilbek Mýsın júzýden álem chempıonatynyń jartylaı fınalyna shyqty

FÝKÝOKA. QazAqparat – Japonııanyń Fýkýoka qalasynda sý sportynan álem chempıonaty ótip jatyr, dep habarlaıdy QazAqparat Olympic.kz-ke silteme jasap.

Aldyn ala qorytyndy boıynsha, júzýden qazaqstandyq Ádilbek Mýsın batterflıaı ádisimen 100 metr qashyqtyqty 51,68 sekýnd nátıjemen eńserdi. Osylaısha 14-orynǵa ıe bolyp, álem chempıonatynyń jartylaı fınalyna joldama aldy.

Áıelder arasyndaǵy otandyq júzý sportynyń ókili Dıana Tasjanova 1983 jyldan beri Marına Ýfımtsevaǵa tıesili bolyp kelgen 800 metrge erkin stılde júzk rekordyn jańartty. Dıana 8:51,46 sekýndta aldyn ala júzý kezinde qashyqtyqty eńserip, 30-shy nátıje kórsetti.