Ádep jónindegi úzdik ýákilder anyqtaldy
«Úzdik Ádep jónindegi ýákil» konkýrsy 2018 jyldan beri ótkizilip keledi. Ol 2 nomınatsııadan turady: «Ortalyq memlekettik organnyń úzdik Ádep jónindegi ýákili», «Jergilikti atqarýshy organnyń úzdik Ádep jónindegi ýákili».
Qatysýshylar konkýrstyq komıssııanyń qaraýyna memlekettik qyzmetshilerdiń ımıdjin arttyrý jáne ádep jónindegi ýákil ınstıtýtyn odan ári jetildirý máselelerine arnalǵan esse men joba prezentatsııasyn usynýy tıis.
Árbir úmitker boıynsha sheshim konkýrstyq komıssııa músheleri qoıǵan baldardy esepteý jolymen qabyldanady.
Komıssııa quramyna Parlament Májilisiniń depýtaty, Memlekettik qyzmet isteri agenttigi men Memlekettik basqarý akademııasynyń, buqaralyq aqparat quraldarynyń ókilderi, memlekettik basqarý salasyndaǵy sarapshylar endi.
Komıssııa otyrysynyń qorytyndysy boıynsha Ádilet mınıstrliginiń Ádep jónindegi ýákili Alma Sydyqova «Ortalyq memlekettik organnyń úzdik Ádep jónindegi ýákili» bolyp tanyldy. Osy nomınatsııada alǵashqy úsh oryndy kelesi qatysýshylar ıelendi:
І oryn – Ilham Ametov, QR Aýyl sharýashylyǵy mınıstrligi;
ІІ oryn –Zına Baıgaskına, QR Densaýlyq saqtaý mınıstrligi;
ІІІ oryn – Qablanbek Áshimov, QR Ekologııa jáne tabıǵı resýrstar mınıstrligi.
Óńirlik deńgeıde «Jergilikti atqarýshy organnyń úzdik Ádep jónindegi ýákili» ataǵyna Atyraý oblysynyń ádep jónindegi ýákili Farıda Ahmetova ıe boldy. Bul nomınatsııa boıynsha alǵashqy úsh oryndy kelesi konkýrsanttar ıelendi:
І oryn – Seıilhan Serikbaev, Soltústik Qazaqstan oblysy;
ІІ oryn – Mahsat Isaev, Túrkistan oblysy;
ІІІ oryn – Rınat Arystanbek, Shyǵys Qazaqstan oblysy.
Jeńimpazdar 23 maýsym – Memlekettik qyzmetshiler kúnine arnalǵan saltanatty is-sharada marapattalady.
Qazaqstanda Ádep jónindegi ýákil ınstıtýty 2015 jyldan beri jumys isteıdi jáne qazirgi ýaqytta árbir memlekettik organ men oblys ákimderiniń apparattarynda 765 Ádep jónindegi ýákil qyzmet atqarady, olardyń 30-y derbes mártebege ıe.
Búginde ınstıtýt qyzmeti joǵary tıimdiligin kórsetýde. Ótken jyldyń ózinde Ádep jónindegi ýákilder 20 myńnan astam azamat pen memlekettik qyzmetshilerge konsýltatsııalyq kómek kórsetip, 167 ótinish berýshiniń quqyǵyn qalpyna keltirdi, 25 myńǵa jýyq túsindirý is-sharalaryn júrgizdi, onyń ishinde óńirlerge 4,5 myń sapar jasaldy.
Qabyldanǵan sharalardyń nátıjesinde 2022 jyly qyzmettik ádep normalaryn buzý sany jáne tártiptik jaýapkershilikke tartylǵan memlekettik qyzmetshilerdiń sany 2021 jylmen salystyrǵanda 412-den 325-ke deıin, ıaǵnı 21% azaıdy.