Adamdar jasyl energııa, taza sý úshin tóleýge daıyn bolýy kerek – Nobel syılyǵynyń laýreaty

Nobel syılyǵynyń laýreaty, №1 klımat jáne turaqtylyq boıynsha sarapshy Rae Kvon Chýng Astanada ótip jatqan Nobel fest festıvaliniń qurmetti qonaqtarynyń biri. Óz baıandamasynda sarapshy sý tapshylyǵy, jasyl energııa taqyrybyn qozǵady, dep habarlaıdy QazAqparat tilshisi.

«Sý jetispeýshiligi álemdik deńgeıdegi mańyzdy problema. Bul jerde klımattyń ózgerýi máselesi tipti nasharlaı túsedi. Bul Ortalyq Azııa elderine teris áser etedi. Máseleni qalaı sheshýge bolady? Bul saıası jáne áleýmettik konsensýsqa baılanysty. Qalaı bolǵanda da, memleket sýdy qaıta óńdeý, sýmen qamtý, jańbyr sýyn jınaý boıynsha tólem júrgizý kerek. Bul ádister qazirdiń ózinde qoljetimdi. Tek elder aqsha jınaýdy, ınvestıtsııalardy sý tapshylyǵy máselelerin sheshýge qalaı baǵyttaý kerektigin bilmeıdi», - dedi Rae Kvon Chýng BAQ ókilderiniń saýalyna jaýap bere turyp.

Onyń aıtýynsha, adamdar sý problemasyn Úkimet jáne bıznes ókilderi sheshedi dep kútedi.

«Tutynýshylar jaýapkershilikti sezinip jáne jasyl energııa úshin tóleýge daıyn bolýy kerek. Sol úshin de men jasyl tarıf engizýdi, sý jáne jasyl energııa boıynsha joǵary baǵany qoıýdy usynamyn. Ekologııalyq apattardy tek Úkimet pen bıznes sheshe almaıdy, bul jerde tutynýshylar da qatysý qajet. Adamdar energııa, taza sý jáne azyq-túlik úshin tóleýge daıyn bolýy kerek. Qazaqstan qazirdiń ózinde sý tapshylyǵyn, ádetten tys ystyqty, sý tasqynyn, orman órtterin bastan keshýde. Іsti qazirden qolǵa almasa másele saıyn nasharlaı túsedi», - deıdi ol.

Aıta keteıik, Astanada dástúrli Nobel fest festıvali ótip jatyr.

Altynshy ret uıymdastyrylǵan sharaǵa arnaıy shaqyrylǵan Nobel syılyǵynyń laýreattary, ǵalymdar, bıznes ókilderi qatysýda.