Adamdar jappaı jınalatyn obektilerdi saqtandyrý júıesi engizilip jatyr
ASTANA. KAZINFORM – Jańadan jobalanatyn qurylysy erekshe nysandarǵa qatysty arnaıy tehnıkalyq sharttardy kelisý normasy engizilip otyr. Bul týraly Májilistiń jalpy otyrysynda azamattyq qorǵaý týraly zań jobasyn talqylaý kezinde QR Tótenshe jaǵdaılar mınıstri Shyńǵys Árinov málim etti.
- Sońǵy jyldary adamdar jappaı jınalatyn obektiler men bıik ǵımarattardy órt normalaryn saqtamaı salý jaǵdaılary jıilep ketti, keıin onyń saldary órtterdiń oryn alýy men adam ólimine ákelýi múmkin. Osyǵan baılanysty Mınıstrlikke bıiktigi 28 metrden asatyn ǵımarattar men adamdar jappaı jınalatyn obektilerdi paıdalanýǵa berý kezinde órt qaýipsizdigi talaptaryna sáıkestigi týraly qorytyndy berý ókilettigi beriledi. Sondaı-aq jańadan jobalanatyn «Han Shatyr» ári «EKSPO» sııaqty qurylysy erekshe nysandarǵa qatysty arnaıy tehnıkalyq sharttardy kelisý normasy engizilip otyr, - dedi Sh. Árinov.
Onyń aıtýynsha, órtten qorǵaý júıelerin ornatý boıynsha azamattarǵa sapaly qyzmet kórsetý maqsatynda, osyndaı qyzmet kórsetetin uıymdarǵa jekelegen talaptar qoıylady. ıAǵnı olardyń tıisti bilimderi men qajet jabdyqtary bolý kerek. Osy oraıda talaptarǵa saı keletin uıymdarǵa ǵana ruqsat beriledi.
- Órt saldarynan úshinshi tulǵalarǵa zııan keltirilgen jaǵdaıda, adamdar jappaı jınalatyn obektilerdi saqtandyrý júıesi engizilip jatyr. Bul iri obektilerdegi órt qaýipsizdiginiń deńgeıin arttyrady jáne zardap shekkenderge keltirilgen zalaldy óteýge múmkindik beredi, - dedi mınıstr.
Buǵan deıin TJM mamandary kólikti órtten qorǵaý úshin ne isteý kerektigin aıtty.