Adam óltirýge tapsyrys bergen kúdikti Dýbaıda ustaldy
ASTANA. KAZINFORM – Qazaqstan ІІM Interpol Ulttyq ortalyq bıýrosynyń suraýy boıynsha Dýbaı qalasynda Qazaqstan Respýblıkasynyń azamaty ustaldy.
Ol elimizdiń Qylmystyq kodeksiniń 99-baby 2-bóligi (Adam óltirý) boıynsha qylmys jasady degen kúdikpen halyqaralyq izdeýde júrgen.
Ol «Lenovo Qazaqstan» kompanııasynyń korporatıvtik satý jónindegi dırektoryn qastandyqpen óltirýdi uıymdastyrdy degen kúdikke ilingen.
Qylmysqa tehnıka jetkizýge baılanysty alynǵan qaryzdyq mindettemelerdi oryndamaý sebep bolǵan.
Byltyr kúzde Almaty oblysy aýmaǵynda kúdiktiniń tapsyrysy boıynsha eki qaskóı atalǵan kisini óltirgen. Aıta keteıik, buǵan deıin qylmysty júzege asyrýshylar da qamaýǵa alynǵan bolatyn.
Aıta ketelik 8,5 mlrd teńgeni jymqyrǵan qurylys kompanııasynyń basshysy Reseıden ekstradıtsııalanǵan edi.