«Adaldyq alańy»: jobadan - jalpyulttyq qozǵalysqa
«Adaldyq alańy» jalpy respýblıkalyq sybaılas jemqorlyqqa qarsy jobasyn ilgeriletý qajettiligin Elbasy 2018 jylǵy 5 qazandaǵy «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty Joldaýynda atap ótken bolatyn. «Sybaılas jemqorlyqtan ada óńirler» jobalary aıasynda sybaılas jemqorlyqqa qarsy strategııany iske asyrý boıynsha elordanyń tájirıbesin taratý qajet»,- degen edi N. Nazarbaev.
Jobanyń maqsaty mynadaı mindetter arqyly turmystyq sybaılas jemqorlyqty joıý bolyp tabylady:
- azamattarǵa qyzmet kórsetýge qolaıly jaǵdaı jasaý;
- memlekettik organdardyń ashyqtyǵyn qamtamasyz etý;
- sybaılas jemqorlyqqa qarsy mádenıetti qalyptastyrý;
- qoǵamdyq baqylaý quraldaryn kúsheıtý.
«Búgingi tańda 19 ortalyq memlekettik organda, 17 óńirde jáne «Samuryq-Qazyna» AQ men onyń enshiles uıymdarynda qoǵam ókilderinen basshylary taǵaıyndalǵan «Adaldyq alańy» jobalyq keńseleri ashyldy», – dedi Ǵ. Asanuly.
Azamattarǵa qyzmet kórsetý elektrondyq formatqa aýystyrý arqyly júzege asyrylady.
Parasattylyq departamenti dırektorynyń aıtýynsha, «joba memlekettik qyzmetterdi tsıfrlandyrýǵa aıtarlyqtaı serpin berip, 93% deńgeıge qol jetkizýge yqpal etti. Qazaqstan BUU qalyptastyryp otyrǵan elektrondyq úkimetti damytýdyń jahandyq reıtınginde 29-orynǵa taban tirese, Elektrondyq qatysý ındeksi boıynsha – 26-orynda».
Osylaısha, memlekettik qyzmet kórsetý protsesin avtomattandyrý arqyly azamattar men sheneýnikter arasynda tikeleı baılanys joıyldy.
Turmystyq sybaılas jemqorlyqty joıý máselelerinde tsıfrlyq sheshimderdi qoldanýǵa erekshe ról bólingen, olardyń ishinde «IQALA» qalalyq qyzmetter ortalyǵy, «i-KOMEK 109» monıtorıng jáne jedel áreket etý ortalyǵy jáne óńirlerdegi jer máseleleri boıynsha geoaqparattyq júıelerdi aıtýǵa bolady.
Memlekettik organdardyń ashyqtyǵyn qamtamasyz etý jumystyń servıstik modelin engizýmen tikeleı baılanysty.
Osylaısha, sybaılas jemqorlyqqa qarsy saıasattyń negizgi mindetteriniń biri qala, aýdan, aýyldyq ákimdikterdi servıstik úlgige kóshirý boldy.
Ǵanıjan Asanuly aıtyp ótkendeı: «Antıkordyń, barlyq deńgeıdegi ákimdikter men «Adaldyq alańy» joabylq keńseleriniń úılesimdi jumysynyń arqasynda 320-dan astam ákimdik servıstik formatqa kóshti, bul – oblystyq mańyzy bar qalalar men aýdandar júz paıyz qamtyldy degen sóz. Barlyq eldi mekenderde ózine-ózi qyzmet kórsetý buryshtary bar».
Memlekettik organdar men mekemelerde 2 400-den astam kedergisiz front-ofıster men oýpen-speısterdiń ashylýy memlekettik mekemelerde kórsetiletin qyzmetterdi alý protsesin jeńildetti, azamattarǵa qoljetimdi nysanda keń aýqymdy máseleler boıynsha konsýltatsııa júrgizýge múmkindik bergen.
Osylaısha, ashyqtyq pen transparenttilik jumystyń kúndelikti standarty bolyp tabylatyn memlekettik qyzmetshilerdiń jańa ádetteriniń transformatsııasy bastaldy.
Memlekettik bilim berý jáne densaýlyq saqtaý mekemeleriniń 5,5 myńnan astam basshysy ózderiniń yńǵaıly kabınetterinen shyǵyp, birinshi qabattaǵy «áınek kabınetterde» jumys isteýge kóshti. Osylaısha basshylar da qoljetimdi boldy.
Agenttik osy baǵyttyń jaı úılestirýshisi ǵana emes, azamattardy kedergisiz jáne jedel qabyldaýdy qamtamasyz etý boıynsha da sharalar qabyldady. 17 óńirde agenttiktiń servıstik ortalyqtary ashyldy, olardyń alańynda sybaılas jemqorlyqqa qarsy bastamalardyń «fabrıkalaryna» aınalǵan kovorkıng ortalyqtary jumys isteıdi. Osyǵan uqsas «Antikor ortalyǵy» servıstik ortalyǵy Agenttiktiń ortalyq apparatynyń janynda ashyldy.
«Adaldyq alańy» sheńberinde azamattardy konsýltatsııalyq qoldaý júıesi jolǵa qoıylǵan.
Bul turǵyda kún saıyn ótkiziletin turaqty tikeleı efır arqyly azamattardy dástúrli qabyldaýlardy almastyrǵan «Adal kómek» jáne «Antikor.Live» jobalaryn erekshe atap ótýge bolady.
Onlaın-brıfıng barysynda Parasattylyq departamentiniń dırektory ótken jyly «Adaldyq alańy» jobalyq keńselerine azamattardan 12 myńǵa jýyq ótinish kelip túskendigin, olardyń 80%-y oń sheshimin tapqandyǵyn aıtty.
Antıkorda atap ótkendeı, «Adaldyq alańy» jobasy eldegi qoǵamdyq baqylaýdyń draıverine aınaldy. Sybaılas jemqorlyqqa qarsy qozǵalys aıasynda 80 myńnan astam volonter jınaldy. Olardyń kúshimen dári-dármekpen alypsatarlyqtyń 300 faktisiniń joly kesildi, gýmanıtarlyq kómek retindegi 18,3 mln qorǵanysh quraly, 3,1 mln dárilik zattar, 428 myń medıtsınalyq jabdyq tıisti oryndarǵa jetkizildi, kompıýterler satyp alý kezinde 1,5 mlrd teńgeden astam qarajat únemdeldi.
Qoǵamdyq baqylaýdyń taǵy bir pármendi tetigi «Ashyq bıýdjetterdiń ınteraktıvti kartasy» boldy.
14,3 trln teńgeni quraıtyn 18 myńǵa jýyq memlekettik mekemeniń qarjylyq derekteri ornalastyrylǵan kartany damytý maqsatynda Agenttik «Ashyq bıýdjet» jańa jobasyn iske qosty. Onyń maqsaty – bıýdjet qarajatyn ıgerý monıtorıngine azamattardy keńinen tartý jáne halyqtyń qarjylyq saýattylyǵyn arttyrý.
«Halyq arasynda parasattylyq ıdeologııasyn ilgeriletý ǵylymı jáne shyǵarmashylyq zııaly qaýymnyń, kórnekti qoǵam jáne memleket qaıratkerleriniń qatysýymen aqparattyq-aǵartý shtaby men «Parasat joly» ortalyǵy sheńberinde júzege asyrylady», – dedi Ǵ. Asanuly.
Sybaılas jemqorlyqqa qarsy qabyldaý men parasattylyq mádenıetin qalyptastyrýda kórkem shyǵarmalar, spektaklder («Qulqynnyń quly» dramasy, «Baqyt kilti» pesasy, «Jemqorlyq – áleýmettik dert» spektakli), qysqa metrajdy fılmder («1424»), áleýmettik rolıkter, sybaılas jemqorlyqqa qarsy kórneki ónimder (muraly, bannerler, bılbordtar, úlestirme materıaldar, t.b.), adaldyq dúkender men týrnıketteri mańyzdy ról atqarady.
«Adaldyq alańy» aıasynda qoǵamda sybaılas jemqorlyqqa qarsy mádenıetti qalyptastyrýda jastar trendterine erekshe oryn berilgen.
Apta saıyn uly tulǵalardyń eńbekteri men sózderine negizdelgen «Adaldyq saǵaty» onlaın-dáristeri ótkiziledi.
Sondaı-aq, jas urpaqtyń sybaılas jemqorlyqqa qarsy dúnıetanymy mektepishilik jáne stýdenttik «Adal urpaq» jáne «Sanaly urpaq» klýbtarymen qalyptasady.
