Adaldyqqa eshnárse jetpeıdi – Asyly Osman

ALMATY. QazAqparat – QR Eńbek sińirgen qaıratkeri, Qazaqstan halqy Assambleıasynyń múshesi Asyly Osman Almaty qalasyndaǵy №64 saılaý ýchaskesine baryp, el taǵdyryna yqpal eter mańyzdy sheshimdi qabyldaýǵa atsalysty, dep habarlaıdy QazAqparat tilshisi.

Til janashyry árbir saıası naýqandaǵydaı bul joly da alǵashqylardyń biri bolyp daýys berdi.

«Ádiletti jáne shynshyl bolaıyq. Adaldyqqa eshnárse jetpeıdi. Sondyqtan búgingi naýqanǵa barshamyz ún qossaq deımin. Erteń depýtattar da bizdiń senimimizdi aqtasyn. Elin, jerin, halqyn shynaıy súıetin jandar kóp bolsyn dep tileımin», - dedi Asyly Osman.

Aıta keteıik, búgin elimizde Parlament Májilisiniń jáne jergilikti máslıhattar depýtattaryn kezekten tys saılaý ótip jatyr.
Megapolıste saılaý ýchaskeleri tańǵy 07:00-de ashyldy. Daýys berý keshki 20:00-ge deıin jalǵasady.
Almatyda 602 saılaý ýchaskesi jumys isteýde.