«Adal azamat» tárbıelik baǵdarlamasy ózgeredi

ASTANA. KAZINFORM — Úkimet basshysy Oljas Bektenov óskeleń urpaqtyń tárbıesine qatysty quzyrly organdarǵa mindet júktedi.

— Óskeleń urpaqtyń boıynda ekologııalyq mádenıetti tárbıeleýge jurtshylyqty, qaýymdastyqtar men birlestikterdi keńinen tartýdy qamtamasyz etý qajet. Ortaq iske bar kúshti jumyldyra otyryp, otbasylyq dástúrli qundylyqtardy, qoǵamdaǵy durys minez-qulyqty, mádenı muralarǵa uqypty kózqarasty, otanshyldyq qasıetterdi sińirýge tıispiz. Atalǵan baǵyttar «Adal azamat» tárbıelik baǵdarlamasynda eskerý qajet. Oqý-aǵartý mınıstrligi, Ǵylym jáne joǵary bilim mınıstrligi tıisti túzetýlerdi engizsin, — dedi Oljas Bektenov Úkimet otyrysynda.

Buǵan deıin Premer-mınıstr qoqys tastaıtyn adamdarǵa jazany qatańdatýdy tapsyrdy. 

Óz kezeginde Ekologııa mınıstri qazaqstandyqtar qandaı ekologııalyq problemalarǵa jıi shaǵymdanatynyn aıtty.