Adal azamat: Aqmola oblysynda jas ekologtar bas qosty
KÓKShETAÝ. KAZINFORM — Aqmola oblysynda «Adal azamatty» tárbıeleý baǵytynda ótken «Eko-sanaly urpaq — eldiń órkendeýiniń kepili» atty dóńgelek ústel barysynda jastar ekologııalyq máselelerdi talqylap, óz bastamalaryn usyndy.
«Adal azamat» degenimiz — óz eliniń bolashaǵyna jaýapkershilikpen qaraıtyn, adamgershilik, ádilettilik, eńbekqorlyq jáne patrıottyq sezimderge negizdelgen adam. Jastardy «adal azamat» retinde tárbıeleý qoǵamnyń damýy úshin mańyzdy, sebebi olar keleshekte eldi basqarýshy, eńbekkerler, otbasy músheleri retinde úlken ról atqarady.
Osyndaı uranmen Tselınograd aýdanynyń Jastar resýrstyq ortalyǵy uıymdastyrǵan is-sharaǵa oqýshylar, stýdentter, aýyl okrýgteriniń mamandary jáne sarapshylar qatysty. Olar ózekti ekologııalyq máselelerdi talqylap, óz bastamalaryn usyndy.
Іs-sharany Tselınograd aýdanynyń ákimi Daryn Sabyrǵalı ashyp, «Taza Qazaqstan» baǵdarlamasynyń mańyzdylyǵyn jáne jastardyń taza ári jaıly orta qurýdaǵy rólin atap ótti.
«Búgingi bizdiń bas qosýymyz jastar arasynda ekologııalyq mádenıetti damytý, olardy qorshaǵan ortany qorǵaýǵa belsendi tartý jáne jańashyl ıdeıalardy qoldaý arqyly elimizdiń «Adal azamatyn» tárbıeleý bolyp tabylady. Memleket basshysy atap ótkendeı, eńbekqorlyq — adal azamat tárbıesiniń negizi. Jastardy eńbektiń qundylyǵyn túsinýge, óz kúshine senýge, maqsatqa jetý úshin tabandylyqpen jumys isteýge úıretý qajet. Bul úshin jastarǵa ártúrli kásibı daǵdylardy úıretý, eńbek naryǵynda básekege qabiletti bolýǵa baǵyttaý qajet. Sizderdiń kúsh-jigerlerińiz, bilimderińiz jáne janashyrlyqtaryńyz — óńirimiz ben elimizdiń ekologııalyq bolashaǵynyń negizi. Osyndaı bastamalardyń arqasynda biz órkendegen Qazaqstanǵa senimdi qadam basyp kelemiz», — dedi aýdan basshysy.
Sharada ekologııalyq jobalar baıqaýynyń jeńimpazdary marapattaldy. Onyń ishinde birinshi oryndy jáne 50 000 teńge kóleminde sertıfıkatty Janbolatqyzy Juldyzaı (№ 2 mektep, Qoıandy aýyly) jeńip aldy. Onyń «Qaldyqtarǵa ekinshi ómir» jobasy qaldyqtardy qaıta óńdeýdiń ınnovatsııalyq tásilin usynady.
Al ekinshi oryndy jáne 30 000 teńgeniń sertıfıkatyna Amankeldiqyzy Nurlyaıym ıe boldy. Ol usynǵan «Eko avtoturaq» jobasy zııandy shyǵaryndylardy azaıtýǵa baǵyttalǵan.
Sondaı-aq, júldeli úshinshi orynǵa jáne 20 000 teńgeniń sertıfıkatyna Qaıratbek Elaman, Ardaquly Mıras jáne Qabdul Aqbota laıyq dep tanyldy. Olar halyqtyń ekologııalyq saýattylyǵyn arttyrýǵa arnalǵan bastamalaryn usyndy.
Sonymen qatar, «Taza Qazaqstan» baǵdarlamasy aıasynda eń belsendilik tanytqan aýyl okrýgteri alǵys hattarmen jáne estelik syılyqtarmen marapattaldy.
Dóńgelek ústel barysynda qatysýshylar qorshaǵan ortanyń lastanýy, jergilikti ekologııalyq jobalardy iske asyrý jáne jastardy tabıǵatty qorǵaý is-sharalaryna tartý sııaqty mańyzdy máselelerdi talqylady.
Іs-shara sońynda barlyq qatysýshylar ekologııalyq mádenıetti qalyptastyrý men birlesken kúsh-jigerdiń taza jáne órkendegen eldiń kepili ekenin atap ótti.
Uıymdastyrýshylar osyndaı kezdesýlerdi turaqty túrde ótkizip, jastardy jańa jetistikterge shabyttandyratynyn jetkizdi.
«Otanǵa degen súıispenshilik jáne ony qorǵaý sezimin qalyptastyrý — jastardy tárbıeleýdiń mańyzdy aspektisi. Jastar óz eliniń tarıhy, mádenıeti men dástúrlerin bilýi, týǵan jerine degen qurmet kórsetýi qajet. Otan aldyndaǵy jaýapkershilikti túsiný jáne elimizdiń táýelsizdigi men bolashaǵyna úles qosý úshin bilim alý men eńbek etýge yntalandyrý óte mańyzdy», — dedi uıymdastyrýshylar.
Buǵan deıin habarlaǵanymyzdaı, Aqmola oblysynda agroónerkásip kesheniniń úzdik ókilderi marapattaldy.