Prezıdent Abzal Núkenovti qyzmetinen bosatty
ASTANA. KAZINFORM — Abzal Núkenuly Núkenov Qazaqstan Respýblıkasy Prezıdenti Ákimshiliginiń Іshki saıasat bóliminiń meńgerýshisi laýazymynan bosatyldy. Bul týraly Aqorda málim etti.
— Memleket basshysynyń ókimimen Abzal Núkenuly Núkenov Qazaqstan Respýblıkasy Prezıdenti Ákimshiliginiń Іshki saıasat bóliminiń meńgerýshisi laýazymynan bosatyldy, — delingen habarlamada.
Abzal Núkenov 1978 jyly 21 shildede Almaty oblysynda dúnıege kelgen.
1995-2000 jyldary — «saıasattaný» mamandyǵy boıynsha Ál-Farabı atyndaǵy QazUÝ-dy támamdaǵan. Saıası ǵylymdar kandıdaty (2004 j.)
2000-2005 jyldary — «Otan» partııasy Ortalyq apparatynyń ıdeologııalyq bólimi sektorynyń meńgerýshisi, konsýltant.
2005-2006 jyldary — Almaty q. ákimdiginiń Іshki saıasat departamentiniń úkimettik emes uıymdar jáne dinı birlestiktermen jumys bóliminiń bastyǵy.
2006 jylǵy qyrkúıekte Almaty oblysy Áýezov aýdany ákiminiń orynbasary bolyp taǵaıyndaldy.
2009-2011 jyldary — L. Gýmılev atyndaǵy Eýrazııalyq ulttyq ýnıversıtetiniń Zamanaýı zertteý ınstıtýtynyń dırektory.
2011-2016 jyldary — QR Qaýipsizdik Keńesi Ahýaldyq ortalyǵy sektorynyń meńgerýshisi, meńgerýshi orynbasary, meńgerýshisi boldy.
2016-2018 jyldary – Qazaqstan Respýblıkasynyń din isteri jáne azamattyq qoǵam vıtse-mınıstri;
2018-2019 jyldary – "Astana" halyqaralyq ǵylymı kesheni" jekemenshik mekemesinde dırektorlar keńesi tóraǵasynyń orynbasary.
2019-2022 jyldary – Qaraǵandy oblysy ákiminiń orynbasary.
2022-2023 jyldary – Qazaqstan Respýblıkasynyń Prezıdenti Ákimshiligi Іshki saıasat bólimi meńgerýshisiniń orynbasary.
2023-2025 jyldary – Qazaqstan Respýblıkasynyń Prezıdenti Ákimshiliginde memlekettik ınspektor bolyp qyzmet atqardy.
2025 jyly 11 naýryzda Memleket basshysynyń ókimimen Qazaqstan Respýblıkasynyń Prezıdenti Ákimshiligi Іshki saıasat bóliminiń meńgerýshisi laýazymyna taǵaıyndalǵan.
«Eren eńbegi úshin» medalimen marapattalǵan.
Buǵan deıin Maǵjan Іlııasov Qazaqstannyń Amerıkadaǵy Elshisi bolyp taǵaıyndalǵan bolatyn.