Abylaı Myrzahmetov kásipkerler betpe-bet kelgen basty qıyndyqtardy atady
«Kásipkerlerdiń 30 paıyzy ózderiniń nesıe qaryzyn qaıtarý ýaqytyn sozyp berýdi surap otyr. 25 paıyzy salyq turǵysynda jeńildik berýdi ótinedi. Tótenshe jaǵdaı kezinde qazir halyqtyń suranysy da tómendep ketti. Saýda ortalyqtary men tamaqtandyrý oryndarynda da qysqartý jumystary kúsheıýde. Osynyń saldarynan kásipkerlerdiń 17 paıyzy óz shtatyn qysqartý máselesin kóterip otyr. Osy máseleni Eńbek jáne halyqty áleýmettik qorǵaý mınıstrligimen talqylaýǵa daıynbyz», - dedi Abylaı Myrzahmetov Úkimet otyrysynda.
Onyń aıtýynsha shaǵymdardyń kóbi týrızm salasynan túsken. Jyl basynan beri bul sala aıtarlyqtaı qıyndyqty bastan ótkerip keledi.
«Barlyq kásipker tótenshe jaǵdaıdy keıingi aptada ǵana sezinip jatqanymen, olar aldyńǵy toqsannan beri kúrdeli jaǵdaıda. Qazaqstanda týrızm salasynda 80 myńǵa tarta adam qyzmet etedi. 6 myńǵa jýyq kásiporyn bar. Sondyqtan osy salaǵa qandaı kómek kórsetetinimizdi qarasaq degen ótinish bar», - degen ol Úkimetpen osy máseleni talqylaýǵa daıyn ekenin jetkizdi.
Abylaı Myrzahmetov qazirgi tańda kásiporyndardy barynsha saqtap qalý kerektigin jetkizdi.
Eske sala ketsek búgingi Úkimet otyrysynda Úkimet otyrysynda Qarjy naryǵyn retteý jáne damytý agenttiginiń tóraǵasy Madına Ábilqasymova bankter men mıkroqarjy uıymdary qarjylyq jaǵdaıy nasharlaǵan kásipkerler úshin qaryz tólemin 90 kúnge deıin shegerýi kerektigin aıtqan edi.
Al Premer-Mınıstri Asqar Mamın tótenshe jaǵdaı kezinde tólemin keshiktirgen qaryz alýshylarǵa aıyppul eseptelmeıtinin málimdedi.
