Abylaıhan Júsipov álem chempıonatynda alǵash ret fınalǵa shyqty

ASTANA. KAZINFORM — Halyqaralyq boks assotsıatsııasy (IBA) aıasynda Dýbaıda (BAÁ) ótip jatqan álem chempıonatynda el quramasynan Abylaıhan Júsipov (71 keli) fınalǵa shyqty.

Qazaqstandyq boksshy fınalǵa beriletin joldamany qyrǵyzstandyq Ihtııar Nıshonovpen sarapqa saldy. Jekpe-jek barysynda ol senimdi oıyn kórsetti. Nátıjesinde tóreshiler sheshimimen Abylaıhan jarysty jalǵastyrýǵa múmkindik aldy.

Abylaıhan Júsipov budan buryn 2017, 2019, 2021 jyldary álem chempıonaty qola júldegeri atanǵan edi. Osylaısha ol álem chempıonatynda alǵash ret fınalǵa shyǵyp otyr.

Sondaı-aq Sáken Bıbosynov (54 keli), Orazbek Asylqulov (57 keli), Sabyrjan Aqqalyqov (75 keli) endi álem chempıonatynda altynǵa talasady. 

Al Temirtas Júsipov (48 keli), Ertýǵan Zeınýllınov (63,5 keli) qola júldeni qanaǵat tutty.
Al qazaqstandyq Danııal Sábıt (51 keli), Serik Temirjanov (60 keli), Sanatáli Tóltaev (67 keli), Erasyl Jaqpekov (80 keli), Dáýlet Tólemisov (86 keli), Nýrmagamed ıÝsýpov (92 keli), Nurlan Saparbaı (92 keliden joǵary) jarysty erte aıaqtady.

IBA týrnıri 3-13 jeltoqsan aralyǵynda Dýbaıda uıymdastyrylady. Bul básekede 13 salmaq dárejesi belgilengen, al júlde qory óte joǵary: chempıondar — 300 myń dollar, kúmis júldegerler — 150 myń dollar, qola júldegerler — 75 myń dollar, al shırek fınalıster 10 myń dollar alady.