Abhazııadaǵy Ulttyq galereıada 4 myńǵa jýyq kartına órtenip ketti

ASTANA. KAZINFORM – Sýhýmıdegi eń úlken galereıadaǵy órtten 4 myńǵa jýyq kartına órtenip ketti. Órt ortalyq kórme zalynyń ǵımaratynda boldy, dep habarlaıdy Grýzııa jańalyqtary.

Abhazııa tótenshe jaǵdaılar qyzmetiniń habarlaýynsha, galereıadaǵy órt abhaz mádenıeti úshin orny tolmas shyǵyn boldy. Órtti sóndirýge onnan astam órt sóndirý brıgadasy jumyldyryldy.

Órtenip ketken kartınalardyń arasynda alǵashqy kásibı abhaz sýretshisi, ataqty dekoratsııashy Aleksandr Chachba-Shervashıdzeniń 300-ge jýyq týyndysy bar.

– Bári órtenip ketti deýge bolady. Ortalyq kórme zaly ǵımaratynyń ekinshi qabatynda Ulttyq kórkemsýret galereıasynyń 4 myńnan astam kartınasy ornalasqan,- dedi jýrnalısterge Mádenıet mınıstriniń mindetin atqarýshy Dınara Smyr.

Aldyn ala boljam boıynsha, órtke qysqa tuıyqtalý sebep bolǵan.