Ábdijámil Nurpeıisov «Altyn qalam» ádebı syılyǵyna ıe boldy
«Altyn qalam» ádebı syılyǵy 10 jyldan beri ótkizilip keledi jáne jyl saıyn 6 nomınatsııa boıynsha jeńimpazdardy anyqtaıdy.
Bıylǵy júldegerlerdiń esimi Almatyda Yqylas atyndaǵy mýzykalyq aspaptar murajaıynda jarııalandy. Baıqaýǵa Qazaqstan, Reseı, Ózbekstan, Ýkraına, Izraıl, AQSh, Moldova jáne Germanııadan barlyǵy 397 avtordan 778 shyǵarma tústi.
Jumystar 2019 jylǵy 15 naýryzdan 15 qyrkúıekke deıin qabyldanyp, oqyrmandar 1 qazanǵa deıin daýys berdi.
Syılyq jeńimpazdary arasynda jaqynda ǵana 95 jyldyq mereıtoıyn atap ótken, halyq jazýshysy Ábdijámil Nurpeıisov te bar. Ol «Qazaq ádebıetine qosqan eleýli eńbegi úshin» nomınatsııasynda «Altyn qalam» ıegeri atandy.
Syılyq laýreattary: «Qazaq ádebıetine qosqan eleýli eńbegi úshin» - Ábdijámil Nurpeıisov;
«Jyldyń úzdik poezııasy» - Dáýren Tileýhan (Aqtóbe), Olga Kývshınnıkova (Óskemen);
«Jyldyń úzdik prozasy» - Gúlnár Іztaeva (Shymkent), Kýanysh Jıenbaı (Nur-Sultan);
«Jyldyń úzdik kınostsenarııi jáne dramatýrgııasy» - Qýanysh Jıenbaı (Nur-Sultan), Ksenııa Evdokımenko (Almaty);
«Jyldyń úzdik satırasy» - Amandyq Saǵyntaıuly (Atyraý), Erlan Kóshkinbaev (Almaty);
«Jyldyń úzdik fantastıkasy jáne detektıvi» - Oralbek Bekbolat (Kentaý), Álnur Qurmanǵalı (Almaty);
«Jyldyń úzdik balalar jáne jasóspirimder ádebıeti «Daraboz» - Qarlyǵash Sarybaeva (Qaraǵandy), Ksenııa Evdokımenko (Almaty);
Budan bólek, «ZHERSU» ınvestıtsııalyq-óndiristik korporatsııasynyń 1 mln teńge syılyǵy jáne balalar jazýshylaryna arnalǵan «Daraboz» baıqaýynyń bas júldesi Qarlyǵash Sarybaevaǵa berildi.
Qazylar alqasynda Dosym Sátpaev, Aıdos Sarym, Arman Shoraev, Nurjan Muhamedjanova, Rasýl Jumaly, Kenje Jumanuly, Qýat Dombaı, Beknur Qısyqov, Baıǵalı Esenálıev, Dildágúl Nurmahanbet, Tatıana Fılıpchık boldy.
