Ábdiǵappar Smanov janazasyna jınalǵan kópshilik QMDB pátýasyna qulaq aspady
«Iá, ókinishke qaraı ondaı jaıt boldy. Іndet kezinde dinı rásimdi ótkizýge baılanysty Qazaqstan musylmandary dinı basqarmasy 18 maýsymda nusqaýlyq jarııalaǵan bolatyn. Al 1 shilde kúni Saryaǵash aýdanynda bolǵan jaǵdaı marqum Ábiǵappar Smanov myrzanyń halyq arasyndaǵy bedeline, jaqsy kóretin shákirtteriniń kóptigine baılanysty bolǵan. Janazadan buryn, marqum qaıtys bolǵan kúni Túrkistan oblysynyń bas ımamy Musabek Aqtamberdi QMDB nusqaýlyǵy shyqqanyn, sanıtarlyq normalardy saqtaý kerektigin jáne janaza namazy barlyq adamǵa birdeı paryz emestigin aıtyp, vıdeomálimdeme jasaǵan edi. Alaıda, janazaǵa sol aýyldyń, kórshiles aýyldyń azamattarynyń kelip qatysqany belgili boldy», - dedi naıb múftı Ortalyq kommýnıkatsııalar qyzmetindegi brıfıng barysynda BAQ ókilderiniń saýalyna oraı.
AL QMDB tóraǵasy, bas múftı Naýryzbaı qajy Taǵanuly Qazaqstan musylmandary dinı basqarmasy shyǵaryp jatqan pátýalar qasıetti Quranǵa, paıǵambar súnnetine jáne bizdiń ata-baba dástúrimizge súıene otyryp jasalatynyn aıtady.
«Al shyqqan pátýa hanǵa da, qaraǵa da birdeı. Muny barlyǵymyz oryndaýymyz kerek. Árıne, bizdiń jaqsy kisilerimiz, jaqyndarymyz bolady. Biraq, pátýa budan joǵary. Pátýaǵa baǵyný shart. Al janaza namazy - kıfaıa. ıAǵnı, birneshe adamnyń oryndaýymen qalǵan halyqtyń moıynynan túsetin qulshylyq. Qazirgi jaǵdaıda, indet jappaı tarap jatqan kezde biz adam ómirine qaýip tóndirmeýdi oılaýymyz kerek. Ol jerge bir aýyrǵan adam baryp, sizge juqsa, siz indetti otbasyńyzǵa alyp kelseńiz, onda biz úlken kúná jasaǵan bolamyz. Alla saqtasyn. Aldaǵy ýaqytta qurmetti jamaǵat QMDB pátýasyna baǵynyp, osy pátýalardy, málimdemeni saqtaýǵa shaqyramyz», - dedi Naýryzbaı qajy Taǵanuly.
Esterińizge sala ketsek, 1 shilde kúni Saryaǵash medrese kolledjiniń dırektory Ábdiǵappar Smanovty aqtyq saparǵa shyǵaryp salýǵa óte kóp adamnyń jınalǵany taspalanǵan vıdeo taraǵan bolatyn.
