Abaıdyń qara sózderi ýkraın tiline aýdaryldy
Kitaptyń tanystyrylymy 2020 jyldyń 15 shildesinde Kanev qalasyndaǵy Ýkraınnyń uly aqyny ári sýretshisi Taras Shevchenko atyndaǵy mýzeıde ótti.
«Ýkraınadaǵy Qazaqstannyń Elshisi Darhan Káletaev sharaǵa qatysýshylarǵa Abaıdyń ólmes murasy men shyǵarmashylyǵy týraly aıtyp berdi. Aýdarma avtory – fılologııa ǵylymdarynyń doktory, professor Nıkolaı Vaskov Abaı shyǵarmasy týrasynda óz áserimen bólisti. Ol Abaıdyń ulylyǵy shyǵarmasynda ǵana emes, ómir súrý saltynda, patrıotızminde, ult aldyndaǵy jaýapkershiliginde ekenin atap ótti», - dep habarlaıdy Ýkraınadaǵy Qazaqstannyń Elshiliginen .
T.Shevchenko atyndaǵy mýzeı dırektory Igor Lıhovoı Abaı men Kobzardyń uqsastyǵy týraly oı órbitti. Eki eldiń uly oıshyldary onyń oıynsha, adamdardy ózin-ózi damytýǵa, ádilettik pen meıirimdilikke shaqyra otyryp, ulttyq sanada tóńkeris jasaǵan.
Ýkraınadaǵy qazaq dıasporasynyń ókilderi Abaı týraly bilimderimen bólisip qana qoımaı, oıshyldyń sózderi men óleńderin qazaqsha oqyp berdi.
Sharaǵa sonymen birge Ýkraınanyń jergilikti ıntelegentsııasynyń, akademııalyq ortasynyń, sarapshylar birlestiginiń, sondaı-aq memlekettik basqarý organynyń ókilderi qatysty.
Elshilik mýzeı men oblystyq memlekettik ákimshilikke kitaptyń birneshe danasyn tapsyrdy.
