«Abaıdyń 12 urpaǵy soǵysqa attanyp, 3-ýi ǵana tiri oralǵan» - baspasózge sholý

ASTANA. QazAqparat - «QazAqparat» halyqaralyq aqparattyq agenttigi 30 shilde, beısenbi kúni jaryq kórgen respýblıkalyq buqaralyq aqparat quraldaryndaǵy ózekti maqalalarǵa sholýdy usynady.

Almatyda áli de bolsa sel júrý qaýpi joǵary. Bul týraly « Aı q yn » basylymynda jarııalanǵan suhbatta «Qazseldenqorǵaý» MM óndiristik paıdalaný bóliminiń jetekshisi Murat Qasenov málim etti.

Onyń aıtýynsha, Talǵardaǵy jaǵdaı áli de qaýipti kúıde saqtalyp tur.

«Shamamen, sel sekýndyna 5-10 myń tekshemetrdi qurap otyr. Sý jiberýge arnalǵan Talǵar bógetindegi sý turaqty túrde aǵyzyp jiberilýde. Mamandarymyzben birge osy aýmaqty tikushaqpen barlap qaıttyq. Komsomol muzdaǵynda №5, 6, 7, 8, 8-a morena ózenderi tikushaqpen baqylaý barysynda qaýipti aımaq tizimine engizildi. Sondaı-aq bizge Almaty oblysy ákimdiginen birneshe tapsyrmalar júktelip otyr. Júkteme boıynsha qaýipti ýchaskelerde jeke quram jáne tehnıkalyq quraldar daıyndaý mindeti basa nazarǵa alynǵan.

Qarǵalyda bolǵan sel tasqyny boıynsha da mamandarymyz jumyldyrylýda. Sondaı-aq salalyq «Almaty gıdrologııa» JShS qyzmetkerleri Qarǵaly ózenine zertteý jumystaryn júrgizip jatyr. Osy sala­daǵy árip­testerimiz qazir qaýiptiń joqtyǵyn eskertti», - deıdi ol.

Suhbatty tolyǵymen « Q azir sel j ú rý q aýpi jo ǵ ary » atty materıaldan oqýǵa bolady.

Qazaqstanda júlde qory 10 mln. teńge bolatyn «Altyn tulpar» alaman báıgesi ótpek, dep jazady « Aı q yn » gazeti.

«Nur Otan» partııasynyń qol­daýymen QR Ulttyq sport túr­leri qaýymdastyǵy, QR Mádenıet jáne sport mınıstrligi jáne «Samuryq-Qazyna» Ulttyq ál-aýqat qorynyń uıymdastyrylýymen júzege asatyn «Altyn tulpar» alaman báıgesi 6 qyrkúıek kúni Aqmola oblysynyń Qabanbaı batyr aýylynda ótedi dep josparlanýda.

Týrnırge respýblıkamyzdyń 14 oblysy men Astana, Almaty qalalarynyń árqaısysynan 10 sáıgúlikten, ıaǵnı báıgege keminde 160 at qatysady dep kútilýde. Jarysqa sáıgúlikterdiń barlyq tuqymdary qatystyrylady. Ekinshi ret uıymdastyrylyp otyrǵan básekeniń basty ereksheligi mynada: bul joly báıge joly uzartyldy. ıAǵnı ótken jyly 43 shaqyrymǵa sozylsa, bıyl qashyqtyq 51 shaqyrymǵa jetip otyr. Uıymdastyrýshylardyń basty kózdegen maqsaty - qazaqtyń baıyrǵy tól ónerin qaıta jańǵyrtyp, sáıgúlikterdiń arasynan shyn júırikti anyqtaý», - delinedi «Altyn t u lpar» alaman b á ıgesi ó tedi» atty taqyppen berilgen maqalada.

Sondaı-aq osy shara aıasynda «at synshysy» baıqaýy uıymdas­tyrylady. Ata dástúrin jalǵap, shyn júırikti jazbaı tanyǵan synshyǵa «Tolybaı synshy», «Kúreńbaı synshy», «Keıhaýys synshy» atyndaǵy arnaıy júl­deler taǵaıyndalyp otyr. Son­daı-aq ulttyq jádigerler kórmesi men ulttyq qólóner sheberleriniń sheberhana kórinisi uıymdastyrylyp, at taǵalaýshy sheberlerdiń jarysy ótedi. *** «Egemen Q aza q stan » basylymynda « Q aza q ǵ aryshkerini ń sapary » atty maqala jarııalanyp, Aıdyn Aıymbetovtiń ǵaryshta atqaratyn qyzmeti týraly keń maǵlumattar berilip otyr.

Sapar 10 táýlikke sozylmaqshy. Bul týraly keshe Al­matyda Qazaqstan baspasóz klýbynda jýrnalıstermen bolǵan kezdesýde Ulttyq ǵarysh agenttigi tóraǵasynyń orynbasary Erkin Shaımaǵambetov málimdedi.

«Jýrnalısterdi qazaqstandyq ǵaryshker Aıdyn Aıymbetov jaıly maǵlumattar qyzyqtyrdy. E.Shaımaǵambetov bul kúndi 2009 jyldan beri kútip júrgenderin, ókinishke qaraı, eldegi ekonomıkalyq daǵdarystyń saldarynan ol maqsattaryna jete almaǵanyn, endi Qazaqstan men Reseı basshylyǵynyń sheshimi boıynsha qazaqstandyq ǵaryshkerdiń bıyl qyrkúıek aıynda ǵaryshqa ushatynyn, sonymen qatar, osy ushý sapary barysynda qazaqstandyq ǵalymdardyń tapsyrmasymen zertteýler júrgizý maqsatynda birqatar ǵaryshtyq tájirıbeler júrgiziletindigin jetkizdi», - delingen materıalda.

- Bul birinshi baǵdarlama emes, - dedi tóraǵa orynbasary. - Otandyq baǵdarlamalar boıynsha kúni búginge deıin tórt ǵaryshtyq sapar júzege asty. Ázirge josparlanyp otyrǵan mindetter sol baǵdarlamalardyń jalǵasy. Ǵaryshta qazaqstandyq ǵaryshker otandyq ǵylym úshin birqatar tájirıbeler júrgizetin bolady. Aıdyn Aıymbetov «Baıqońyr» ǵarysh aılaǵynan Astana ýaqyty boıynsha ústimizdegi jyldyń 2 qyrkúıeginde tańǵy saǵat 10:30-da ushady. 12 qyrkúıekte shamamen tańǵy saǵat 7-de qoný josparlanǵan. EKSPO-2017 halyqaralyq kórmesi qarsańynda biz ǵaryshta birqatar sharalardy júzege asyrýdy josparlap otyrmyz. Onyń ústine bul ushý sapary Qazaq handyǵynyń 550 jyldyǵyn toılaý sharalarymen sáıkes keledi. Sondyqtan ǵaryshkerimiz Aıdyn Aıymbetov halyqaralyq ǵarysh stansasynan kúlli álemge Qazaqstanda bolyp jatqan ıgi sharalar jaıynda áńgimeleıtin bolady», - dedi Erkin Mustafauly.

Sonymen qatar « Egemen Q aza q stan » gazetinde « Abaıdy ń 12 u rpa ǵ y so ǵ ys q a attanyp , 3- ýi ǵ ana tiri oral ǵ an » atty maqala jarııalandy.

«Uly Otan soǵysynyń ardageri, jazýshy-jýrnalıst, Abaı aýdanynyń qurmetti azamaty, respýblıkalyq dárejedegi zeınetker ári 91 jastaǵy maıdanger Jaǵypar Júnisjanuly aqsaqal jaqynda Jeńistiń 70 jyldyǵyna arnap arnaıy kitap shyǵardy. Kitap alty bólimnen turady. Munda maıdangerlerdiń jáne tyl eńbekkerleriniń ómirbaıandary men hattary, soǵys kezinde shyǵarylǵan óleńderi men estelikteri jınaqtalǵan. Redaktory Áset Myrza­qa­symovtyń aıtýynsha, kitapta soǵysqa attanǵan Abaı urpaqtary týraly arnaıy bólim bar. Onda aqynnyń 12 urpaǵy soǵysqa attanyp, 3-ýi ǵana tiri oralǵany týraly jazylǵan», - delingen atalmysh maqalada.

Sol jyldary Abaı aýdanynan shaqyrylǵan 330 adamnyń basym bóligi Kýzbass pen Kemerov qalalaryndaǵy shahta jumystaryna jiberilipti. Kitap­tyń avtory, qadirmendi aqsaqal Jaǵypar Júnisjanuly bul kúnderi Abaı aýdanyndaǵy kózi tiri qalǵan jalǵyz ǵana ardager, osyndaı mańyzdy aqparattarǵa toly kitapty shyǵarýdy kópten beri armandap júrgen eken. Buǵan deıin ol «Tý tikken tobyqtynyń qolbasshysy» dep atalatyn birinshi kitabyn shyǵarǵan. Ol kitap Mamaı batyrdyń nemere inisi, sonyń týyn kóterip kózge túsken Toqtamys Laqaulyna arnalypty. ***

«Ekspress K» basylymy buryn paramen ustalǵan sheneýnikterdiń burynǵy «ádetine» salyp jatqandyqtaryn jazýda.

«Halyq aıtady: sheneýnikti qansha asyrasań da, báribir ózgeniń qaltasyna qaraıdy. Sonyń jarqyn mysaly - Almaty oblysy Ile aýdanyndyq ákimdiginiń eki jaýapty qyzmetkeriniń paramen ustalýy.

Jemqorlyqqa qarsy kúresmvedomstvosynyń qyzmetkerlerimen Ile aýdany ákiminiń kómekshisi Jumaǵulov pen kásipkerlik bóliminiń bas mamany Erqojanova ustaldy. Olar jer ýchaskesiniń maqsatyn aýystyrý úshin 21 myń dollar suraǵan. Birneshe jyl buryn Qarasaı aýdany ákiminiń orynbasary bolǵan Jumaǵulov jemqorlyq daýyna iligip edi. Degenmen ol kezde sheneýnik sútten aq, sýdan taza shyqqan bolatyn. Endi bul joly ol jaýapkershilikten qashyp kete almaıdy», - delingen «Kogda je vy najretes?» atty maqalada.