#Abaı175: Ázerbaıjannyń Máskeýdegi elshisi Muxtar Qul-Muxammed joldaǵan chelendjdi qabyl aldy

NUR-SULTAN. QazAqparat - Qazaqtyń uly aqyny Abaıdyń 175 jyldyq mereıtoıyna arnalǵan chelendj jer júzin sharlap, aqyn murasy álemniń alýan tilinde oqyla bastady.

Endi oǵan ázerbaıjan xalqynyń áıgili ánshi-kompozıtory, kezinde 18 jyl qatarynan óz eliniń mádenıet mınıstrligin basqaryp, búginde Ázerbaıjannyń Reseıdegi elshisi qyzmetin atqaratyn Polad Bulbuloǵly qosyldy.

Ol Mákeýdegi Nızamı Gánjáýı eskertkishiniń janynda turyp, «Meniń jaqyn dosym Muxtar Qul-Muxammed Abaıǵa arnalǵan jyr sherýine qatysýdy usyndy. Men muny rızalyqpen qabyldadym. Máskeýde Abaı men Nızamıdiń eskertkishteri bar. Men eki uly aqynymyzdyń basyn dál osy úndestik arqyly qosqym keledi» deı kelip, dana Abaıdyń

«Júregim, neni sezesiń» óleńin ázerbaıjan tilinde oqyp berdi.