Abaı oblysyndaǵy órt: eldi mekenderge qaýip tónip turǵan joq
Órtti sóndirýge jeke quramnan 600-den astam adam, 130-dan astam tehnıka, 1 órt sóndirý poıyzy, sondaı-aq «Qazavıaqutqarý» mekemesiniń 2 tikushaǵy, «Qazavıaormankúzetiniń» 1 tikushaǵy jáne Qorǵanys mınıstrliginiń 1 tikushaǵy jumyldyryldy. Búgingi tańda tikushaqtar órt oshaqtaryna áýeden 169 (barlyǵy 221) 442,5 tonna sý tókti.
Qazirgi ýaqytta eldi mekenderge qaýip tónip turǵan joq.
Jalpy janý aýmaǵy shamamen 3500 gektardy quraıdy.
Sekýndyna 6-10 metr ekpindi jeldiń bolýy saldarynan, órtti sóndirý jumystary qıyndaýda. Sondaı-aq tyǵyz ósetin daqyldar men tuzdy jerlerdiń bolýy da órttiń órshýine áser etýde.
Búgin Astana qalasy TJD jeke quramynan 13 órt sóndirý tehnıkasy men 70 adamnan turatyn birinshi eshelon, Qorǵanys mınıstrliginiń bir áýe borty jáne 103 adamnan turatyn jeke quram, 15 tehnıka oqıǵa ornyna keldi. Sonymen qatar, Astana qalasy men Qaraǵandy oblysy TJD quramynda 12 birlik órt tehnıkasy men jeke quramnan 60 adamnan qurylǵan ekinshi eshelon keldi.
Tótenshe jaǵdaılar vıtse-mınıstri Marat Kúldikov pen Abaı oblysynyń ákimi Nurlan Ýranhaev aerovızýaldy barlaý júrgizdi.
Sonymen qatar, qosymsha aerovızýaldy tekserýge «Qazavıaqutqarý» mekemesiniń Eýrokopter tikushaǵy tartyldy.
Órtti sóndirý jumystary jergilikti atqarýshy organdarmen tyǵyz baılanysta júzege asyrylýda.
TJM men Abaı oblysy TJD jedel shtabtarynyń jumysy jalǵasýda, olardyń mindeti TJ aımaǵyndaǵy jaǵdaı týraly derekterdi jınaý, óńdeý jáne taldaý, qajetti aqparatty berý; TJ kúrdelenýin jáne olardyń saldaryn boljaý; TJ joıý máselelerin jedel sheshý boıynsha usynystar daıyndaý bolyp tabylady. Sondaı-aq órt ornynda komandalyq-shtabtyq mashınanyń jumysy júrgizilýde.
«Qazgıdromet» derekteri boıynsha 24-26 mamyrda Abaı oblysynyń Borodýlıha aýdanynda sekýndyna 15-20 metrge deıin ekpini bar soltústik-shyǵys jel kútiledi.
QR Qarýly kúshteriniń áskerı qyzmetshileri Abaı oblysyndaǵy órtti sóndirýge jumyldyrylǵany habarlandy.
