Abaı oblysynda máslıhattarǵa 158 depýtat saılanady
Elimizde 19 naýryz kúni QR Parlamenti májilisi men máslıhattary depýtattarynyń saılaýy ótetindigi belgili. Osy rette, QazAqparat tilshisi Abaı oblystyq aýmaqtyq saılaý komıssııasynyń tóraǵasy Natalıa Fesenkoǵa habarlasyp, óńir boıynsha qansha depýtat saılanatynyn surap kórdi.
«Abaı oblysynan Parlament Májilisine – 1, oblystyq máslıhatqa – 30 (15 – birmandattyq, 15 – partııalyq tizim boıynsha) saılanady. Al qalalyq máslıhatqa 34, aýdandyq máslıhatqa – 94 depýtat saılanbaq. Olardyń barlyǵy birmandattyq. Qazirgi ýaqytta máslıhattar depýtattyǵyna kandıdattar usyný jalǵasýda», - dedi ol.
Kandıdattardy usyný 8 aqpan kúni saǵat 18.00 aıaqtalady. Depýtattyqqa úmitker tiziminde kimderdiń bar ekendigi sol ýaqyttan keıin belgili bolmaq. Ázirge kandıdat retinde usynylǵandar boıynsha tıisti memlekettik organdarǵa suraý salý jumystary júrgizilip jatyr.
