Abaı oblysynda kólik apatynan úsh adam kóz jumdy

SEMEI. QazAqparat – Abaı oblysynda eki kólik betpe-bet soqtyǵysyp, 3 adam kóz jumdy, dep habarlaıdy QazAqparat tilshisi.

Oblystyq Polıtsııa departamenti baspasóz qyzmetiniń málimetine súıensek, jol-kólik oqıǵasy 9 jeltoqsan kúni saǵat 14:45-te «Taskesken-Baqty» tasjolynda bolǵan.

«Toyota Carina» markaly kólikti tizgindep kele jatqan 29 jastaǵy azamat kenet rýldi basqara almaı qalyp, qarsy jolaqqa shyǵyp ketken. Sodan keıin qarsy kele jatqan júk kóligimen betpe-bet soqtyǵysqan. Jol apaty saldarynan 3 adam qaza boldy», - delingen aqparatta.

Qazirgi ýaqytta atalǵan fakti boıynsha QR QK-niń 345-baby 4-bóligine sáıkes sotqa deıingi tergeý amaldary bastaldy. Birqatar saraptama taǵaıyndalǵan.

Beıresmı málimetke súıensek, kóz jumǵan 3 adam bir mektepte qyzmet etken.