Abaı oblysynda 8 jasar qyzdy kólik qaǵyp mert qyldy

SEMEI. QazAqparat – Abaı oblysynda 8 jasar qyzdy kólik qaǵyp ketti, dep habarlaıdy QazAqparat Rolisia.kz-ke silteme jasap.

«18 qazan kúni, saǵat 18:33-te «LADA« markaly avtokóliktiń 22 jastaǵy júrgizýshisi qozǵalys qaýipsizdigine kóz jetkizbeı, 2015 jyly týǵan kámelet jasyna tolmaǵan qyzdy qaǵyp ketti. Saldarynan qyz bala alǵan dene jaraqattarynan oqıǵa ornynda mert bolady.

Atalǵan fakti boıynsha QR Qylmystyq kodeksiniń 345-baby 3-bóligi boıynsha sotqa deıingi tergep-tekserý amaldary bastaldy (Kólik quraldaryn basqaratyn adamdardyń abaısyzda adam ólimine ákep soqqan jol júrý erejelerin buzýy).

QR Qylmystyq protsessýaldyq kodeksiniń 201-babyna sáıkes qylmystyq isti tergep-tekserý barysy týraly ózge málimetter jarııa etýge jatpaıdy», - delingen Abaı oblysy Polıtsııa departamentiniń málimetinde.

Foto: t.me/POLICE_of_KZ