Abaı oblysynyń oqýshylary erekshe mobıldi qosymsha jasady

ASTANA. KAZINFORM — Semeı qalasy №50 jalpy orta bilim beretin IT mektep-lıtseıiniń 7-synyp oqýshylary Aıarý Rahımbekova men Aqbota Mýratova «Helping Hand App» áleýmettik mańyzy bar mobıldi qosymsha ázirledi.

Qosymsha kórý qabileti buzylǵan jandardyń kúndelikti ómirin jeńildetýge baǵyttalǵan. MIT App Inventor platformasynda jasalǵan joba daýystyq habarlamalar arqyly aqparat berip, kúndelikti tapsyrmalardy oryndaýǵa kómektesedi.

Qarapaıym ınterfeısi men yńǵaıly basqarý júıesi paıdalanýshyǵa qolaıly. Qosymshany telefonǵa QR-kod arqyly júktep kóshirýge bolady.

«Bul joba tek tehnologııalyq tájirıbe emes. Biz qosymshanyń adamdarǵa paıdaly bolý jaǵyn oıladyq. Aldaǵy ýaqytta qosymshany jetildirip, qoldanys aıasyn keńeıtýdi josparlap otyrmyz», – deıdi oqýshylar.