Abaı oblysyndaǵy mektep túlegi úzdik sarbaz attandy

ASTANA. KAZINFORM — S. Nurmaǵambetovtiń 100 jyldyǵy qarsańynda Halyqaralyq «Aıbyn» áskerı patrıottyq jastar jıyny ótti. Oǵan 6 memleketten 700-den asa jas sarbaz qatysty.

Abaı oblysynyń mektep túlegi Oljas Samarhan 750 qatysýshynyń ishinen top jaryp, «Jyldyń úzdik jas sarbazy» atandy.

«Oljas — Shákárim atyndaǵy kópbeıindi № 5 gımnazııanyń bıylǵy túlegi. Ol Abaı oblysynyń „Abaı qyrandary“ komandasynda óner kórsetip keledi. 9-synyptan bastap AÁD muǵalimi Serik Túsipovtiń tikeleı jetekshiligimen „Jas qyranǵa“ qabyldandy», — dep jazdy óńirdegi bilim basqarmasynan.

Oblystyq, respýblıkalyq saıystarda kóp jetistikke jetti: «SMART SARBAZ» — І oryn, «Aıbyn daryny» — І oryn, Ak-74 qarýyn tolyq emes buzyp-jınaqtaýdan — І oryn, OZK kııýden — І oryn, kermege tartylýdan — ІІ oryn.

Oljas Samarhan — Q.Sátbaev atyndaǵy Qazaq ulttyq tehnıkalyq zertteý ýnıversıtetiniń tórt jyldyq grant ıegeri. Sondaı-aq robototehnıkadan Indonezııada ótken halyqaralyq chempıonatta úlken jetistikke jetti.