Abaı oblysynda tórt kúnde mas kúıde kólik aıdaǵan 11 adam ustaldy

SEMEI. KAZINFORM — Abaı oblysynda polıtseıler tórt kúnde mas kúıde kólik aıdaǵan 11 adamdy ustady.

Oblystyq polıtsııa departamentiniń málimetine súıensek, «Qaýipsiz jol» jedel aldyn alý sharasynyń tórt kúninde 1257 jol qozǵalysy erejesin buzý deregi anyqtaldy. 

Onyń ishinde 11 júrgizýshi kólikti mas kúıinde basqarǵany úshin ustaldy. 26 adam júrgizýshi kýáligi joq bolsa da rólge otyrǵan. 182 jaıaý júrginshi joldy ruqsat etilmegen jerden kesip ótken. 5 adam júrgizýshi kýáliginen aıyrylǵanyna qaramastan kólik basqarǵan.

— Sondaı-aq jol jóndeý jumystaryn júrgizý talaptaryn buzýdyń 19 deregi tirkeldi. 6 júrgizýshi qarama-qarsy qozǵalys jolaǵyna shyǵyp ketken. Barlyq quqyq buzýshylar ákimshilik jaýapkershilikke tartyldy, — delingen aqparatta.

Eske salsaq, buǵan deıin 330 myńnan astam qazaqstandyq kólik salyǵyn tólemeı júrgeni habarlanǵan.