Abaı oblysynda ortasha jalaqy 340 myń teńgeni qurady

ASTANA. KAZINFORM – 9 aı qorytyndysy boıynsha oblystyń áleýmettik-ekonomıkalyq damý kórsetkishteriniń ósýi baıqaldy. Bul týraly Ortalyq kommýnıkatsııalar qyzmetindeni baspasóz máslıhatynda osy óńirdiń ákimi Nurlan Uranhaev málim etti.

«Óńirdiń qysqa merzimdi ekonomıkalyq ındıkatory – 105,3% qurady. Eleýli ósim qurylys salasynda - 131,6%-ǵa, ónerkásipte – 102,6%-ǵa, ishki saýdada – 110,5%-ǵa, aýyl sharýashylyǵynda – 106,4%-ǵa artty, sondaı-aq ınvestıtsııalarda 100,5% deńgeıinde tirkeldi», - dedi N. Uranhaev.

Onyń aıtýynsha, atalǵan merzimde 237 myń sharshy metr turǵyn úı paıdalanýǵa berilip, 2 myń otbasy baspanaly boldy.

«Ortasha aılyq jalaqy ekinshi toqsan qorytyndysy boıynsha 12,3 paıyzǵa ósip, 340 myń teńgeni qurady. 1 qazandaǵy jaǵdaı boıynsha memlekettik bıýdjetke 294,9 mlrd teńge salyq pen basqa da mindetti tólemder tústi, onyń ishinde respýblıkalyq bıýdjetke - 197 mlrd teńge, jergilikti bıýdjetke - 97,8 mlrd teńge. Ósý qarqyny 26,5 paıyzdy qurady», - dedi oblys ákimi.

Bıyl oblys bıýdjetiniń kólemi 480,8 mlrd teńgeni qurady.

Budan buryn habarlanǵandaı, Abaı oblysynyń ákimi óńirdegi jańa mektepterdiń qurylysyna túsinik berdi.