Abaı oblysynda esirtki taratýshylardan quny 20 mln teńgeden asatyn mefedron tárkilendi

SEMEI. KAZINFORM – Abaı oblysynda polıtsııa qyzmetkerleri mefedron jetkizýmen aınalysqan eki adamdy qolǵa túsirdi.

Oblystyq polıtsııa departamentiniń málimetine súıensek, Semeı qalasynda polıtseıler salmaǵy 500 gramnan astam psıhotroptyq zat – «mefedrondy» tárkiledi. Bul shamamen 1 500 bir rettik dozaǵa teń. Onyń qara naryqtaǵy quny 20 mln teńgeden asady.

- Esirtki saýdasymen aınalysqan 26 jáne 28 jastaǵy eki er adam ustaldy. Olar ınternet-dúken arqyly ózderine klıent taýyp otyrǵan, - delingen aqparatta.

Osylaısha, esirtki arnasy joıyldy. Tárkilengen esirtki jyl kóleminde Abaı oblysyndaǵy eń iri esirtki partııasy bolyp otyr.

Eske salsaq, osyǵan deıin Jambyl oblysynda shóp astynan 100 keli marıhýana tabylǵany habarlanǵan.