Abaı oblysynda 214 myń tonna astyq bastyryldy

ASTANA. KAZINFORM – Abaı oblysynda egin jınaý naýqany jalǵasýda. Sharýashylyqtar qazirdiń ózinde 147,8 myń ga dándi jáne burshaqty daqyldar jınady. Ortasha ónimdilik 14,5 ts/ga qurady, 214 myń tonna astyq bastyryldy.

QR Aýyl sharýashylyǵy mınıstrligi baspasóz qyzmetiniń habarlaýynsha, Borodýlıha aýdanynyń «AgroUnity» JShS ónimdiligi boıynsha kósh bastap tur, onda sharýalar gektarynan 27 tsentnerden jınaıdy.

Bıdaı jınaý alańy 239,0 myń ga quraıdy. Búgingi kúni 111,3 myń ga jınaldy, 158,6 myń tonnadan astam bastyryldy, ortasha ónimdilik 14,3 ts/ga quraıdy.

Maıly daqyldar boıynsha jospar - 295,8 myń ga. 17,5 myń tonna kartop jınaldy, ortasha ónimdilik 218,8 ts/ga qurady.
Kókónis daqyldaryn jınaý alańy 3,8 myń ga quraıdy. Qazirgi ýaqytta 1,0 myń ga jınaldy, ortasha ónimdilik 236,5 ts/ga qurady, 22,7 myń tonna ónim bastyryldy.