Abaı oblysy Kókpekti aýdanynda «Arlan» shyǵarmashylyq ortalyǵy ashyldy
SEMEI. KAZINFORM – Abaı oblysynyń Kókpekti aýdany Kókpekti aýylynda «Arlan» shyǵarmashylyq ortalyǵy ashyldy.
Oblys ákimdiginiń málimetine súıensek, Kókpekti aýdanyndaǵy «Arlan» shyǵarmashylyq ortalyǵy shyǵarmashyl adamdardyń bas qosatyn jerine aınalmaq. Munda kóptegen úıirme bar. Sonyń ishinde halyq bıleri, dombyra, keskindeme jáne sýret salý.
«Bul ortalyqta tárbıelenýshiler tájirıbeli muǵalimderdiń jetekshiligimen ózderiniń shyǵarmashylyq qabiletterin damytyp, jańa dúnıelerdi úırenedi. Ortalyqta 100-ge jýyq bala sýret salý jáne kórkem eńbekpen aınalysa alady. Sondaı-aq 220 balaǵa arnalǵan bı zaly bar», - delingen aqparatta.
Búgingi tańda ortalyqqa 4 adam jumys isteıdi, atap aıtqanda, ákimshi, sýret muǵalimi, dombyra muǵalimi jáne horeograf. Ortalyq sapaly sabaqtar men is-sharalardy ótkizý úshin qajetti jabdyqtarmen jáne tehnıkalyq quraldarmen tolyqtaı qamtamasyz etilgen.
Aıta keteıik, Memleket basshysy Qasym-Jomart Toqaevtyń bastamasymen 2021 jyldyń mamyr aıynda respýblıka kóleminde sport sektsııalary men shyǵarmashylyq úıirmelerinde balalardyń sabaqtaryn jan basyna shaqqandaǵy qarjylandyrýdy engizý týraly reforma bastalǵan edi. Baǵdarlamanyń negizgi mindetteriniń biri – deni saý, mádenı jáne shyǵarmashylyq jaǵynan damyǵan tulǵa tárbıeleý.
