Abaı oblysy ákiminiń orynbasary taǵaıyndaldy

SEMEI. KAZINFORM – Prezıdent Ákimshiliginiń kelisimimen jáne Abaı oblysynyń ákimi Berik Ýálıdiń ókimimen 2025 jyldyń 1 tamyzynan bastap Meıirlan Rahanov oblys ákiminiń orynbasary qyzmetine taǵaıyndaldy. 

M. Rahanovty búgin oblys aktıvine aımaq basshysy tanystyrdy.

Meıirlan Rahanov 1988 jyly Qaraǵandy oblysynda dúnıege kelgen. Qaztutynýodaǵy Qaraǵandy ekonomıkalyq ýnıversıtetin bitirgen.

Eńbek jolyn 2011 jyly Qaraǵandy ákimdiginiń ishki saıasat basqarmasynda bastaǵan.

2012 jyly Qaraǵandy oblysy boıynsha salyq basqarmasynda jetekshi maman bolyp jumys istedi.

2012-2013 jyldar aralyǵynda Qaraǵandy oblysy ákimdiginiń ishki saıasat basqarmasynyń bas mamany qyzmetin atqarǵan.

2013-2016 jyldary – Aqparat komıtetiniń baspa BAQ bóliminiń sarapshysy, bas sarapshysy.

2016-2021 jyldary – Qazaqstan Respýblıkasy Prezıdentiniń baspasóz qyzmetiniń sarapshysy, keńesshisi, ınspektory.

2021 jylǵy shildeden 2023 jylǵy jeltoqsanǵa deıin Qazaqstan Respýblıkasy Prezıdentiniń baspasóz qyzmeti sektorynyń meńgerýshisi boldy.

Eske sala keteıik, buǵan deıin Meıirlan Rahanovtyń Aqparat komıtetiniń tóraǵasy qyzmetinen bosatylǵanyn habarlaǵan edik.