Áýe qatynasy jolaýshylarynyń sany 20%-ǵa artty - Azamattyq avıasıa komıteti

ASTANA. QazAqparat - Qazaqstan áýe tasymaly salasynda turaqty ósim baıqalady, dep habarlaıdy QazAqparat QR IDM Azamattyq avıasıa komıtetine silteme jasap.

«2018 jylǵy qańtarda áýe tasymaly jolaýshylarynyń sany 586,6 myńǵa jetti, bul 2017 jyldaǵy osy kezeń kórsetkishinen (491,4 myń adam) 19%-ǵa artyq», - delingen vedomstvonyń Feısbýktegi paraqshasynda.

Ótken jyly 7,4 mıllıon jolaýshy tasymaldandy.

«2017 jylǵy jolaýshy aǵynynyń ósý qarqyny 23%-dy qurap, sońǵy 25 jyldaǵy eń joǵary kórsetkishke jetti. Tranzıttik jolaýshylar tasymaly 30%-ǵa, júk tasymaly 24%-ǵa artty. 2020 jylǵa qaraı jolaýshy tasymalyn 35%, tranzıttik jolaýshy tasymalyn 2,5 eseden artyq, júk tasymalyn 2 ese arttyrýdy josparlap otyrmyz», - deıdi komıtet ókilderi.