A. Mamın: QR-nyń EAEO-ǵa tóraǵalyq etýiniń basymdyqtary jańa jaǵdaıdaǵy syn-tegeýrinder men múmkindikterdi eskeredi
Sondaı-aq otyrysqa Armenııa Premer-Mınıstri Nıkol Pashınıan, Belarýs Premer-Mınıstri Roman Golovchenko, Qyrǵyzstan Premer-Mınıstri Ýlýkbek Marıpov, Reseı Premer-Mınıstri Mıhaıl Mıshýstın, Ózbekstan Premer-Mınıstri Abdýlla Arıpov, Moldova Premer-Mınıstriniń m. a. Aýrelıı Chokoı (onlaın-rejımde), Eýrazııalyq ekonomıkalyq komıssııa Alqasynyń tóraǵasy Mıhaıl Mıasnıkovıch, TMD Atqarýshy komıtetiniń tóraǵasy – atqarýshy hatshysy Sergeı Lebedev, Eýrazııalyq damý bankiniń basqarma tóraǵasy Nıkolaı Podgýzov jáne óz eliniń Premer-Mınıstri Krýs Manýel Marreronyń beıne úndeýin usynǵan Kýbanyń RF-daǵy elshisi Hýlıo Antonıo Garmendııa Penıa qatysty.
«Qazaqstan Respýblıkasynyń Prezıdenti Qasym-Jomart Kemeluly Toqaev odaqqa múshe memleketter basshylarynyń atyna elimizdiń tóraǵalyq etý jylyndaǵy negizgi basymdyqtar belgilengen úndeý joldady. Olar EAEO áreket isteýiniń 6 jyldyq tájirıbesin jáne jańa ekonomıkalyq jáne áleýmettik shynaıylyq jaǵdaıyndaǵy meılinshe ózekti syn-tegeýrinder men múmkindikterdi eskere otyryp ázirlengen», — dedi A. Mamın.
Úkimet basshysy Qazaqstannyń EAEO organdaryndaǵy tóraǵa ornynda ónerkásiptik kooperatsııaǵa jańa serpin berýge, ózara saýdadaǵy kedergilerdi joıýǵa, transshekaralyq kólik arterııalary men logıstıkalyq habtardyń áleýetin tolyqqandy paıdalanýǵa, tutastaı qamtıtyn tsıfrlandyrýǵa jáne syrtqy naryqtarǵa shyǵýdy keńeıtýge nazar aýdaratynyn atap ótti.
«Qazirgi daǵdarys aıasynda qalyptasqan jáne kúsheıtilgen trendter, onyń ishinde ondaǵan jyldar boıy qalyptasqan óndiristik jáne kólik tizbekteriniń yǵysýy men joıylýy, jappaı tsıfrlandyrýǵa nazar aýdarýdyń kúsheıýi, kapıtal men ótkizý naryqtary úshin básekelestiktiń kúsheıýi qysqa merzimdi bolyp tabylmaıdy. Olar jahandyq naryqtarda kóptegen jyldarǵa aldyn ala jaǵdaı týdyryp, jańa ekonomıkalyq shynaıylyq negiziniń bir bóligine aınalady», — dedi A. Mamın.
Premer-Mınıstr Qazaqstan Respýblıkasy usynyp otyrǵan jumys baǵyttary EAEO elderiniń ortaq múddelerine tolyq sáıkes keletinin jáne jańa jaǵdaılarda EAEO-nyń ekonomıkalyq, óndiristik, saýda, ınstıtýtsıonaldyq qurylymyn jedel transformatsııalaý qajettigin kórsetetinin atap ótti. Otyrys barysynda Eýrazııalyq ekonomıkalyq odaqtyń sharttyq-quqyqtyq bazasyn nyǵaıtýǵa baǵyttalǵan birqatar máseleler qaraldy. EEK-tiń EAEO elderindegi makroekonomıkalyq ahýal týraly aqparaty tyńdaldy, onda olardyń turaqty ekonomıkalyq damýyn qamtamasyz etý jónindegi usynystar usynyldy.
EAEO-nyń ishki jáne syrtqy saýda saıasaty, onyń ishinde arnaıy qorǵaý, dempıngke qarsy jáne ótemaqy sharalaryn qoldaný tetikterin jetildirý, EAEO tarıftik preferentsııalarynyń biryńǵaı júıesin paıdalanýshy elderdiń tizbegin ózektendirý máseleleri talqylandy. 2021-2022 jyldarǵa arnalǵan is-sharalar josparymen EAEO elderiniń teńiz ótkizý pýnktterinde elektrondyq qujat aınalymyn damytý tujyrymdamasy, EAEO-ǵa múshe memleketterdiń mal sharýashylyǵyndaǵy selektsııalyq-asyl tuqymdyq jumysty úılestirý jáne saraptamalyq qamtamasyz etý tártibi bekitildi.
Otyrys qorytyndysy boıynsha ótken baspasóz konferentsııasynda QR Premer-Mınıstri Eýrazııalyq ekonomıkalyq komıssııa Qazaqstannyń bastamalaryn iske asyrý jónindegi is-sharalar josparyn bekitkenin, onda 15 negizgi mindet jáne 84 is-shara aıqyndalǵanyn habarlady. Bıyl 57 sharany iske asyrý josparlanǵan (2022-2025 jj. — 27 is-shara).
