«A» korpýsyna kandıdattardy irikteýde ortalyq memlekettik organdar janynan komıssııa qurý usynyldy
ASTANA. QazAqparat - «A» korpýsyna kandıdattardy irikteýde ortalyq memlekettik organdar janynan komıssııa qurý kerek. Búgin Astanada memlekettik qyzmetti jetildirý máseleleri boıynsha dóńgelek ústelde QR Memlekettik qyzmet isteri jáne sybaılas jemqorlyqqa qarsy is-qımyl agenttigi tóraǵasynyń orynbasary Saıan Ahmetjanov osyndaı usynys bildirdi.
«Ortalyq memlekettik organdardyń róli men jaýapkershiligin kúsheıtý úshin olardyń janynda «A» korpýsyna kandıdattardy irikteý boıynsha kadrlyq komıssııalardy qurý usynylady. Bul komıssııalarǵa birinshi basshylar jetekshilik etýi kerek»,-dedi ol.
Osy oraıda S. Ahmetjanov búginde ákimder basqarýymen osyndaı óńirlik komıssııalar jumys istep jatqandyǵyn eske salyp ótti.
Dóńgelek ústel barysynda osyndaı komıssııalardyń quramyna azamattyq sektordyń jáne bıznes qurylymdardyń ókilderin engizý qajet ekeni aıtyldy. Agenttik ókiliniń paıymynsha, bul óz kezeginde ashyqtyq men obektıvtilik elementterin kúsheıtedi.
