9 jeltoqsanda Qyrǵyzstanda EAEO sammıti ótedi

BІShKEK. QazAqparat – 2022 jyldyń 9 jeltoqsanynda Bishkek qalasynda Joǵary Eýrazııalyq ekonomıkalyq keńestiń osy jylǵy qorytyndy otyrysy ótedi, dep habarlaıdy QazAqparat menshikti tilshisi Qyrǵyzstan Ekonomıka jáne kommertsııa mınıstrligi baspasóz qyzmetine silteme jasap.

Vedomstvonyń habarlaýynsha, kezdesýge qatysýshylarǵa EAEO sheńberindegi ónerkásiptik kooperatsııa jobalaryn qarjylandyrý kózderi men tetikteri, EAEO ortaq gaz naryǵyn qalyptastyrý týraly halyqaralyq sharttyń jobasyn daıyndaý barysy , EAEO ishki naryǵyndaǵy kedergilerdi joıý ahýaly, Birikken Arab Ámirlikterimen erkin saýda týraly kelisim jasasý týraly kelissózderdiń bastalýy, EAEO-nyń jalpy gaz naryǵyn 2023 jylǵa arnalǵan EAEO halyqaralyq qyzmetiniń negizgi baǵyttary, 2014 jylǵy 29 mamyrdaǵy EAEO týraly shartqa elektrondyq nysanda qyzmetter kórsetý kezinde janama salyqtar alý tártibin aıqyndaý bóliginde ózgerister engizý, EAEO organdarynda tóraǵalyq etý týraly hattamanyń jobasyna qol qoıý týraly jáne basqa máselelerdi qaraýǵa usynylady.

Sammıttiń qorytyndysy boıynsha 2023 jyly Joǵary Eýrazııalyq ekonomıkalyq keńeske, Eýrazııalyq úkimetaralyq keńeske jáne Eýrazııalyq ekonomıkalyq komıssııa keńesine tóraǵalyq etetin memleket retinde RF-ti aıqyndaý kózdeıtin Joǵary keńestiń sheshimin qabyldaý josparlanýda.

2022 jyly Qyrǵyzstan EAEO organdaryna tóraǵalyq etip jatyr. Eýrazııalyq ekonomıkalyq odaqtyń quramyna Reseı, Armenııa, Belarýs, Qazaqstan jáne Qyrǵyzstan kiredi. Birlestiktiń joǵary ulttyqtan joǵary organy Joǵary Eýrazııalyq ekonomıkalyq keńes sanalady, onyń otyrystaryna EAEO–ǵa qatysýshy elderdiń memleket nemese úkimet basshylary qatysady.