9 jeltoqsan. Tulǵalar týǵan kún

ASTANA. QazAqparat - Búgin, ıaǵnı 9 jeltoqsan kúni tulǵalardan kimder dúnıege kelgen? QazAqparat oqyrmandarǵa esimder kúntizbesin usynady.

ESІMDER

66 jyl buryn (1956) Ujymdyq qaýipsizdik sharty uıymynyń Bas hatshysy Imanǵalı Nurǵalıuly TASMAǴAMBETOV dúnıege keldi.

Gýrev oblysy Mahambet aýdany Novobogat aýylynda dúnıege kelgen. A.S. Pýshkın atyndaǵy Oral pedagogıkalyq ınstıtýtynyń jaratylystaný-geografııa fakýltetin bitirgen (1979), geografııa jáne bıologııa pánderiniń muǵalimi.

Eńbek joly: 1973-1974 jyldary - Gýrev oblysy Mahambet aýylyndaǵy balalar-jasóspirimderge arnalǵan sport mektebinde jattyqtyrýshy. 1979 jyldan - Gýrev oblysy Mahambet aýylyndaǵy orta mektepte geografııa jáne bıologııa pánderiniń muǵalimi, Qazaqstan LKJO Mahambet aýdandyq komıtetiniń uıymdastyrý bóliminiń meńgerýshisi, komsomol jumysy kabınetiniń meńgerýshisi, Gýrev oblystyq komıtetiniń komsomol uıymdary bóliminiń meńgerýshisi. 1981-1991 jyldar aralyǵynda KOKP múshesi. Qazaqstan Kompartııasy OK Saıası bıýrosynyń múshesi (1990-1991). QR Joǵarǵy Keńesi 12-shaqyrylymynyń depýtaty (LKJO). 1983 jyldan - Qazaqstan LKJO Gýrev qalalyq komıtetiniń birinshi hatshysy. 1985 jyldan - Qazaqstan Kompartııasy Gýrev qalalyq komıteti uıymdastyrý bóliminiń meńgerýshisi. 1986 j. - LKJO Gýrev oblystyq komıtetiniń birinshi hatshysy. 1988 j. - Qazaqstan LKJO OK jumysshy jastar jáne áleýmettik-ekonomıkalyq problemalar bólimderiniń meńgerýshisi, hatshysy. 1989 j. - Qazaqstan LKJO OK-niń birinshi hatshysy. 1991 j. - QR Jastar isi jónindegi memlekettik komıtetiniń tóraǵasy. 1993 j. - QR Prezıdentiniń kómekshisi. 1995 j. - QR Premer-mınıstriniń orynbasary. 1997 j. - QR Premer-mınıstriniń orynbasary - Bilim jáne mádenıet mınıstri. 1997 jyldan - QR Prezıdent Ákimshiligi Basshysynyń orynbasary, uıymdastyrý-baqylaý bóliminiń meńgerýshisi. 1998 j.- QR Prezıdentiniń Birinshi kómekshisi. 1999 j. - Atyraý oblysynyń ákimi. 2000 j.– QR Premer-mınıstriniń orynbasary. 2002 j. – QR Premer-mınıstri. 2003 j. – QR Memlekettik hatshysy. 2004 jyly QR Prezıdent Ákimshiliginiń Basshysy bolyp taǵaıyndaldy. 2004 jyldyń jeltoqsan aıynan 2008 jyldyń sáýirine deıin – Almaty qalasynyń ákimi. 2008-2014 jyldary – Astana qalasynyń ákimi. 2014-2016 jyldary – QR Qorǵanys mınıstri. 2016-2017 jyldary – QR Premer-Mınıstriniń orynbasary. 2017-2019 jyldary – Qazaqstan Respýblıkasynyń Reseı Federatsııasyndaǵy Tótenshe jáne Ókiletti elshisi. Qazaqstan Respýblıkasynyń Sporttyq oq atý federatsııasynyń qurmetti prezıdenti. Á.Marǵulan atyndaǵy Halyqaralyq qordyń Basqarma Tóraǵasy. «14 tomdyq Á.H. Marǵulannyń shyǵarmalary» redkollegııasynyń múshesi. Táýelsizdiktiń on jyldyǵyn atap ótý boıynsha, sondaı-aq ıÝNESKO kóleminde merekelengen qazaq mádenıeti men ǵylymynyń kórnekti qaıratkerleri: 1995 jyly - Abaıdyń týǵanyna 150 jyl, 1996 jyly - Jambyl Jabaevtyń týǵanyna 150 jyl, 1997 jyly - Muhtar Áýezovtiń týǵanyna 100 jyl, 1997 jyly Qanysh Sátbaevtyń týǵanyna 100 jyl, 2002 jyly - Ǵabıt Músirepovtiń týǵanyna 100 jyl jáne 2004 jyly - Álkeı Marǵulannyń týǵanyna 100 jyl tolýyna arnalǵan mereıtoılardy ótkizý jónindegi Memlekettik komıssııalarynyń tóraǵasy. Mońǵolııaǵa, Batys Qazaqstanǵa jáne RF-nyń Astrahan oblysyna (Kaspıı: munaı jáne mádenıet) jáne t.b. jerlerge halyqaralyq mádenıettaný ekspedıtsııalaryn uıymdastyrýshy. Solardyń biriniń nátıjesinde, 2000 jyly Mońǵolııadan Qazaqstanǵa ejelgi Kúltegin tas haty kaıtaryldy.

«Parasat» ordeni (1998), Qazaqstan Respýblıkasynyń Tuńǵysh Prezıdenti N.Á. Nazarbaev ordeni (2004), Orys Pravoslav Shirkeýiniń «Máskeýlik Danııl qasıetti patshasy» ordeni, Reseı Federatsııasynyń «Dostyq» ordenimen jáne II dárejeli «Barys» ordenimen (2010) jáne kóptegen medalmen marapattalǵan.

52 jyl buryn (1971-2020) belgili jýrnalıst, telejúrgizýshi, telepýblıtsıst, Qazaqstan Respýblıkasy Prezıdentiniń BAQ salasyndaǵy syılyǵynyń laýreaty Beısen Quranbek dúnıege kelgen.

Almaty oblysy Kerbulaq aýdany Qyzyljar aýylynda týǵan. Ál-Farabı atyndaǵy Qazaq ulttyq ýnıversıtetin bitirgen. Eńbek jolyn respýblıkalyq «Sport» gazetinde tilshi, jaýapty hatshy qyzmetinen bastaǵan.

Al qalǵan ǵumyryn qazaq televıdenıesimen baılanystyryp, «Rahat», «31 arna», «Habar» arnalarynda, Prezıdent teleradıokesheninde qyzmet atqarǵan. 2007-2012 jyldary Almaty oblystyq «Jetisý» telearnasynyń bas dırektory boldy. 2013-17 jyldary «Qazaqstan» telearnasyndaǵy jalpaq jurtqa tanymal «Aıtýǵa ońaı» áleýmettik-turmystyq tok-shoýynyń júrgizýshisi boldy. 2017 jyldyń qyrkúıek aıynan beri ulttyq arnadaǵy «Qareket» baǵdarlamasyn júrgizdi. 2014 jyldyń qazan aıynda Almaty oblystyq «Jetisý» telearnasynyń bas dırektory bolyp qaıta taǵaıyndaldy.

QR Prezıdenti syılyǵynyń ıegeri, Qazaqstan jýrnalıster odaǵy syılyǵynyń laýreaty, Qazaqstan Respýblıkasynyń Mádenıet qaıratkeri, «Jyl tańdaýy» ulttyq syılyǵynyń ıegeri. QR Tuńǵysh Prezıdenti - Elbasynyń jeke alǵys hatymen marapattalǵan. «Til janashyry», «Qazaqstan halqy assamblııasyna 20 jyl», QR Prezıdenti Jarlyǵymen memlekettik marapat «Eren eńbegi úshin medalimen» marapattaldy. Taldyqorǵan qalasynyń qurmetti azamaty atanǵan.