9 shilde. Tulǵalar týǵan kún
ASTANA. QazAqparat — Búgin, 9 shilde tulǵalardan kimder dúnıege kelgen? QazAqparat oqyrmandaryna esimder kúntizbesin usynady.
ESІMDER
61 jyl buryn (1964) TMD Bas hatshysynyń orynbasary Nurlan Musataıuly SEITІMOV dúnıege keldi.
Almaty oblysynda týǵan. QazMÝ zań fakýltetin, Reseı Federatsııasynyń SІM Dıplomatııalyq akademııasynyń «Halyqaralyq qatynastar» fakýltetin bitirgen. SSSR Qarýly kúshteriniń qatarynda qyzmet etip, qoǵamdyq jáne kommertsııalyq uıymdarda jumys atqarǵan. QR SІM júıesinde 1994 jyldan bastap jumys isteıdi. QR SІM Dıplomatııalyq ókildiktermen jumys departamentinde maman (1994-1996), QR GFR Elshiliginiń bólimshesinde úshinshi hatshy, QR SІM Konsýldyq qyzmet departamentiniń ekinshi hatshysy, bólim bastyǵy (1997-2000), QR Maındaǵy Frankfýrt qalasyndaǵy Bas konsýldyǵynyń konsýly, QR Gannover qalasyndaǵy konsýldyǵynyń konsýly (2000-2004). 2004-2007 jyldary — QR SІM TMD departamentiniń bólim bastyǵy, basqarma bastyǵy, Departament dırektorynyń orynbasary. 2007-2010 jyldary — QR Prezıdenti Ákimshiligi Syrtqy saıasat ortalyǵynyń bas ınspektory, meńgerýshiniń orynbasary. 2010-2013 jyldary — QR Reseıdegi Elshiliginiń keńesshi-ýákili. 2013-2016 jyldary — QR Maındaǵy Frankfýrt qalasyndaǵy Bas konsýly. 2016-2019 jyldary — Qazaqstannyń Tájikstandaǵy Tótenshe jáne Ókiletti Elshisi. 2019 jylǵy qańtar-jeltoqsan aılarynda Qazaqstan Respýblıkasy Syrtqy ister mınıstrliginiń Jaýapty hatshysy qyzmetin atqardy.
2024 jyldyń naýryz aıynan bastap qazirgi qyzmetinde.
49 jyl buryn (1976) «Áleýmettik medıtsınalyq saqtandyrý qory» UAQ basqarma tóraǵasy Aıdyn Jeńisuly QULSEIІTOV dúnıege keldi.
Óskemen qalasynda týǵan. 1997 jyly Batys-Qazaqstan memlekettik tehnıkalyq ýnıversıtetin, 2004 jyly Qazaqtan Prezıdenti janyndaǵy Memlekettik qyzmet akademııasyn aıaqtaǵan. Tehnıka ǵylymdarynyń kandıdaty. 1996-2000 jyldary kommertsııalyq qurylymdarda jumys istegen.
2000-2003 jyldary Óskemen qalasynyń Indýstrııa, saýda jáne shaǵyn bıznes basqarmasynyń Indýstrııa jáne ekologııa bóliminiń bas mamany, bastyǵy.
2003-2004 jyldary Qazaqstan Respýblıkasy Prezıdentiniń janyndaǵy Memlekettik qyzmet akademııasynyń tyńdaýshysy. 2004-2008 jyldary Qazaqstan Respýblıkasy Indýstrııa jáne saýda mınıstrliginiń Tutyný taýarlar bóliminiń bastyǵy, Ónerkásiptiń taý-ken jáne óńdeý salalary basqarmasynyń, Indýstrıaldyq saıasat departamentiniń dırektory, Hatshylyq — Strategııalyq josparlaý jáne jınaqy taldaý departamentiniń dırektory, Qazaqstan Respýblıkasy Energetıka jáne mıneraldyq resýrstar mınıstrliginiń Strategııalyq josparlaý jáne salaaralyq úılestirý departamentiniń dırektory. 2008-2009 jyldary Qazaqstan Respýblıkasy Prezıdenti Ákimshiliginiń Áleýmettik-ekonomıkalyq monıtorıng bólimi meńgerýshisiniń orynbasary. 2009-2014 jyldary — «Ulttyq ınnovatsııalyq qor» AQ basqarma tóraǵasy (qaıta uıymdastyrýdan keıin «Tehnologııalyq damý jónindegi ulttyq agenttik»). 2014-2017 jyldary «Qazaqstandyq ındýstrııa damytý ınstıtýty» AQ-nyń basqarma tóraǵasy. 2017-2019 jyldary QR Prezıdenti Ákimshiliginiń Strategııalyq ázirlemeler jáne taldaý ortalyǵynyń meńgerýshisi.
2025 jyldyń sáýir aıynan bastap qazirgi qyzmetinde.
44 jyl buryn (1981) Qazaqstan Respýblıkasy Prezıdentiniń ekonomıka máseleleri jónindegi kómekshisi Qanat Bısimbaıuly ShARLAPAEV dúnıege keldi.
Reseı Federatsııasynda týǵan. Saratov áleýmettik-ekonomıkalyq ýnıversıtetin, Krenfıld menedjment mektebin (Ulybrıtanııa) ekonomıka, qarjy jáne menedjment magıstri dárejesimen bitirgen.
Eńbek joly: Reseı Federatsııasynyń Petrokommertsııa bankinde klıenttermen baılanys jónindegi menedjer (2003); Londondaǵy (Ulybrıtanııa), Pragada (Chehııa) City Investment Bank qarjy bóliminiń mamany (2006-2008); «City Investment Bank» (Ulybrıtanııa) aktsııalar naryǵymen jumys jónindegi aımaqtyq bólimshesiniń aǵa taldaýshysy, vıtse-prezıdentiniń kómekshisi, vıtse-prezıdenti (2008-2014); Ulybrıtanııanyń qalalyq ınvestıtsııalyq bankiniń Eýropa, Taıaý Shyǵys jáne Afrıka úshin strategııalyq josparlaý jáne taldaý jónindegi aımaqtyq tobynyń vıtse-prezıdenti (2014-2015); Citibank Kazakhstan bas qarjy dırektory, Basqarma tóraǵasynyń orynbasary, aǵa vıtse-prezıdenti (2015-2017); Reseı, Ýkraına jáne Qazaqstan boıynsha qarjy dırektory, Reseı Federatsııasynyń Sıtıbankiniń aǵa vıtse-prezıdenti (2017-2020). Citi ınvestıtsııalyq bankiniń (BAÁ) Afrıkanyń, Taıaý Shyǵystyń jáne Shyǵys Eýropanyń damýshy naryqtaryndaǵy strategııa, josparlaý jáne taldaý jónindegi aımaqtyq dırektory (2020); «Báıterek» Ulttyq basqarýshy holdıngi» AQ Basqarma tóraǵasy (2022); Qazaqstan Respýblıkasynyń Indýstrııa jáne qurylys mınıstri (2023-2025).
2025 jyldyń aqpan aıynan beri qazirgi qyzmetinde.