9 sáýir. Jylnama
Kazinform oqyrman nazaryna 9 sáýirge arnalǵan ataýly kúnder men este qalar oqıǵalar kúntizbesin usynady.
ESTE QALAR OQIǴALAR
2010 jyly Almatyda № 5572 áskerı bóliminde tájik-aýǵan shekarasynda qaza tapqan ishki ásker jaýyngerlerine arnalǵan Eskertkish alleıasy ashyldy. 1995 jyly 7 sáýir kúni Tájikstan taýlarynda áskerı qyzmet babyndaǵy Qazaqstannyń Іshki ásker rotasy tutqıyldan tap bergen lańkesterdiń shabýylyna ushyraǵan bolatyn. Olardyń qazaqstandyq rotany joıýǵa qatysty jospary iske aspaı, kerisinshe keri sheginýlerine týra kelgen. Alaıda shaıqas 17 jaýyngerdiń ómirin qıyp ketti. Bul kún Qazaqstan Respýblıkasy Іshki ister mınıstrliginiń Іshki ásker bóliminde batyrlardy eske alý kúni bolyp sanalady.
2013 jyly Bishkekte qazaq ádebıetiniń klassıgi Muhtar Áýezovke arnalǵan memorıaldyq taqta saltanatty túrde ashyldy.
2016 jyly Qazaqstan ulttyq kitaphanasynda Quran Kárimge túsinik beretin — «Quran tápsiri» qoljazbasy tabylǵan. Kembrıdj ýnıversıtetindegi parsy zertteýleriniń jetekshisi, professor Fırýza Melvılldiń pikirinshe, bul qoljazba ǵylym álemindegi naǵyz sensatsııaǵa aınalýy múmkin.
2017 jyly qazaqstandyq ánshi Dımash Qudaıbergen Qytaıdyń Shenchjen qalasynda ótken «17th Top China Music Awards» sharasynda «Halyqaralyq dárejedegi tanymal ánshi» nomınatsııasy boıynsha marapattaldy.
2018 jyly júzýden Ispanııa ashyq chempıonatynyń ekinshi kúni Olımpıada chempıony, qazaqstandyq Dmıtrıı Balandın 200 metrge brass ádisimen júzý jarysynda altyn medaldy jeńip aldy. Balandın jeńiske jetýmen qatar, 2:09:31 nátıjesimen osy qashyqtyqta Ispanııa chempıonatynyń rekordyn ornatty.
2019 jyly respýblıkalyq telearnalar efırinen Qazaqstan Prezıdenti Qasym-Jomart Toqaev Astana ýaqytymen saǵat 13.00-de el azamattaryna úndeý joldady. Onda Memleket basshysy 2019 jyldyń 9 maýsymynda kezekten tys Qazaqstan Respýblıkasy Prezıdentin saılaý ótetinin málimdedi.
2021 jyly Qazaqstanda Saıası qýǵyn-súrgin máseleleri jónindegi mamandandyrylǵan muraǵat qory quryldy, onda saıası qýǵyn-súrgin qurbandaryna qatysty myńnan astam muraǵat isteri saqtalady.
2022 jyly qazaqstandyq chempıon Gennadıı Golovkın (42-1-1, 37 KO) japonııalyq Rıota Mýratany (16-3, 13 KO) nokaýtqa túsirgen alǵashqy boksshy boldy. Mýratamen jekpe-jekte Golovkın orta salmaqtaǵy WBA Super, IBF jáne IBO beldikterin biriktirdi.
2023 jyly Astanada kúres túrlerinen Azııa chempıonaty bastaldy. Jarystyń alǵashqy kúninde grek-rım stıliniń ókilderi bes salmaq dárejesinde júldeli oryndardy sarapqa saldy. Onyń tórteýinde qazaqstandyqtar Azııa chempıonatynyń jeńimpazy atandy. Týrnır bastalǵan kúni qazaqstandyq palýandardyń toptamasy bir kúmis jáne úsh qola júldemen tolyqty.
2025 jyly Ońtústik Koreıanyń Eastar Jet áýe kompanııasy Ortalyq Azııa naryǵyna shyǵyp, Seýl-Almaty-Seýl jańa halyqaralyq baǵytty iske qosty. Reıster aptasyna eki ret, dúısenbi jáne juma kúnderi oryndalady. Baǵytqa uzaq qashyqtyqqa ushýlar úshin arnaıy ońtaılandyrylǵan B737-8 áýe laıneri qyzmet kórsetedi.
2025 jyly Dımash Qudaıbergenniń jańa áni Majarstanda hıtke aınaldy. «Love’s Not Over Yet» kompozıtsııasy Deezer frantsýz mýzykalyq strımıngtik platformasynda Majarstanda eń kóp tyńdalatyn 100 ánniń qataryna endi.
2025 jyly Memleket basshysy Qazaqstan Respýblıkasynyń Sý kodeksine qol qoıdy. Kodekske engizilgen alǵashqy túzetýler sýdy únemdeýdiń jańa tetikterin engizýge jáne sý aıdyndaryn qorǵaýǵa baǵyttalǵan. Alǵash ret zańnamaǵa «sý qaýipsizdigi» uǵymy engizildi.
2025 jyly amerıkalyq fotograf Karolına Voshtasıktiń Qazaqstandaǵy suńqardy ańǵa salý týraly fotosýretteri halyqaralyq syılyqqa ıe boldy. «Fotografııa ındýstrııasynyń Oskary» atalatyn bedeldi Lucie Award bedeldi syılyǵynyń ıegeri Karolına Voshtasık Qazaqstanǵa alǵash ret keldi. Nıý-Iorktiń tanymal fotografy túsirilimin Almaty oblysynda Іle Alataýynyń etegindegi Kúrti aýylynda jáne Qaskeleń qalasynda ótkizdi.