9 sáýir. Tulǵalar týǵan kún
Búgin, 9 sáýir kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
66 jyl buryn (1958) «AML ACADEMY» qarjylyq monıtorıng akademııasy» AQ rektory Erǵalı Serikbaıuly MERZADINOV dúnıege keldi.
Shymkent oblysy (qazirgi Túrkistan oblysy) Kırov aýdanynyń Abaı aýylynda týǵan. 1975-1977 jyldar aralyǵynda Kırov aýdanynyń sharap zaýytynda jumysshy bolyp eńbek etken.
1977 jyly Qaraǵandy memlekettik ýnıversıtetiniń zań fakýltetine І kýrsqa qabyldanyp, 1978 jyldan Qazaq memlekettik ýnıversıtetiniń zań fakýltetinde oqýyn jalǵastyrdy. Osy ýnıversıtetti 1982 jyly úzdik aıaqtaǵannan keıin Almaty qalasynyń Kalının aýdandyq prokýratýrasynda prokýrordyń kómekshisi, aǵa tergeýshi bolyp qyzmet atqardy. 1986 jyldan bastap QazaqKSR prokýratýrasynda tergeý basqarmasynyń prokýrory, asa qaýipti qylmystardy tergeý bólimi bastyǵynyń orynbasary, keıinnen Qazaq kólik prokýratýrasynyń tergeý, anyqtaýdy qadaǵalaý bóliminiń bastyǵy, Sovet aýdanynyń prokýrory, Almaty qalasy prokýrorynyń birinshi orynbasary laýazymdarynda qyzmet atqardy. 1996 jyldyń naýryzy men 2002 jyldyń aqpan aıy aralyǵynda Soltústik Qazaqstan oblysy, Almaty qalasy jáne Qaraǵandy oblysynyń prokýrory qyzmetin atqardy. 2002 jyldyń aqpanynda Qazaqstan Respýblıkasynyń Іshki ister vıtse-mınıstri bolyp taǵaıyndaldy.
2004 jyldyń mamyrynan 2005 jyldyń maýsymyna deıin Astana qalasynyń prokýrory laýazymynda bolǵan. 2005-2009 jyldary QR Bas prokýrorynyń orynbasary, 2009-2018 jyldary QR Bas áskerı prokýrory. 2018-2022 jyldary QR Bas prokýratýrasynyń janyndaǵy Quqyq qorǵaý organdary akademııasynyń rektory qyzmetin atqardy.
І, ІІ dárejeli «Dańq» ordenimen marapattalǵan. Sondaı-aq «Qazaqstan Respýblıkasynyń Qarýly Kúshterine 10 jyl», «Qazaqstan Konstıtýtsııasyna 10 jyl», Qazaqstan Respýblıkasynyń Parlamentine 10 jyl», «Ulttyq qaýipsizdikti qamtamasyz etýdegi úlesi úshin», «Astananyń 10 jyldyǵy», «KSRO Qarýly kúshterine 90 jyl» mereıtoılyq medaldarymen, II dárejeli «Qaısar» tósbelgisimen marapattalǵan.
55 jyl buryn (1969) QR Senat apparaty basshysynyń orynbasary Marat Sultanuly ÝAQPAEV dúnıege keldi.
1993 jyly E. Býketov atyndaǵy Qaraǵandy memlekettik ýnıversıtetin bitirgen. Zańger. Zań ǵylymdarynyń kandıdaty.
1993-1996 jyldary E. Býketov atyndaǵy Qaraǵandy memlekettik ýnıversıteti azamattyq quqyq kafedrasynyń oqytýshysy, 1996-1998 jyldary L. Gýmılev atyndaǵy Eýrazııa ýnıversıteti azamattyq quqyq jáne eńbek quqyǵy kafedrasynyń meńgerýshisi, 2001-2002 jyldary QR Parlamenti Senaty apparaty quqyqtyq saraptama bóliminiń konsýltanty, zańdar jáne quqyqtyq reforma komıteti hatshylyǵynyń, saraptama bóliminiń, aqparattyq-taldaý bóliminiń, ekonomıkalyq saıasat, ınnovatsııalyq damý jáne kásipkerlik komıtetimen ózara baılanys jasaý bóliminiń meńgerýshisi bolyp qyzmet istegen.
«Qurmet» ordenimen (2020), alty medalmen, sonyń ishinde «Eren eńbegi úshin» medalimen, TMD PAA keńesiniń Qurmet gramotasymen, «Úzdik memlekettik qyzmetshi» tós belgisimen marapattalǵan.
53 jyl buryn (1971) Qazaqstan Respýblıkasy Prezıdentiniń keńesshisi Bolat Oraluly AQShOLAQOV dúnıege keldi.
Atyraý qalasynda týǵan. 1993 jyly Qazaq memlekettik basqarý akademııasynyń esep pen ekonomıkalyq kıbernetıka fakýltetin «ekonomıst» mamandyǵy boıynsha, 1998 jyly Munaı jáne gaz óndirisi bilim ortalyǵyn «Jer qoınaýyn paıdalanýǵa kelisimsharttardy baǵalaý» jáne «Munaı óndirý ekonomıkasy» mamandyǵy boıynsha támamdaǵan.
Eńbek joly: 1994-1995 jyldary Alem Bank Kazakhstan – ekonomıst, bas ekonomıst, 1997-2001 jyldary Ortalyq Azııa yntymaqtastyq jáne damý banki bólim bastyǵy, departament dırektory, 2001-2003 jyldary «Qazaqoıl» UMGK» JAQ aǵa sarapshy, menedjer, bas menedjer, departament dırektorynyń orynbasary, 2003-2006 jyldary Commonwealth and British Services Ltd. bıznes-taldaýshy, menedjer, qarjy dırektory, 2006-2008 jyldary «Qazmunaıgaz» UMK» JAQ QB úlesterin basqarý jónindegi atqarýshy dırektor, Qazaqstan Respýblıkasy Energetıka jáne mıneraldyq resýrstar vıtse-mınıstri, 2009-2010 jyldary «Samuryq-Qazyna» Ulttyq ál-aýqat qory» AQ-nyń elektr energetıka jáne munaı-gaz aktıvteri máseleleri jónindegi basqarýshy dırektory, 2010-2011 jyldary «PSA» JShS bas dırektory, «QazMunaıGaz» Ulttyq kompanııa» AQ prezıdenti, 2012-2014 jyldary Munaı jáne gaz vıtse-mınıstri, 2014-2016 jyldary «Almex Petrochemical» JShS bas dırektory, 2016-2017 jyldary «KAZENERGY» Qazaqstan munaı-gaz jáne energetıka kesheni uıymdarynyń qaýymdastyǵy» zańdy tulǵalar birlestiginiń bas dırektory, 2017-2019 jyldary Qazaqstan Respýblıkasy Energetıka vıtse-mınıstri, 2022-2023 jyldary «KAZENERGY» Qazaqstan munaı-gaz jáne energetıka kesheni uıymdarynyń qaýymdastyǵy» zańdy tulǵalar birlestiginiń bas dırektory. Qazaqstan Respýblıkasynyń energetıka mınıstri boldy.
47 jyl buryn (1977) Qazaqstan Respýblıkasy Bas prokýratýrasynyń Quqyqtyq statıstıka jáne arnaıy esepke alý jónindegi komıteti tóraǵasynyń orynbasary Erádil Qalıdollauly AHMETOV dúnıege keldi.
Qazaq quqyqtaný jáne halyqaralyq qatynastar ınstıtýtyn, S. Toraıǵyrov atyndaǵy Pavlodar Memlekettik ýnıversıtetin (Quqyqtaný, fızıka jáne esepteý tehnıkasy) bitirgen.
1998 jyly Qazaqstan Respýblıkasy Bas prokýratýrasynyń Pavlodar oblysy boıynsha Quqyqtyq statıstıka jáne aqparat ortalyǵynyń statıstıka qalyptastyrý bóliminiń prokýrory, 1999-2001 jyldary Qazaqstan Respýblıkasy Bas prokýratýrasynyń Pavlodar oblysy boıynsha Quqyqtyq statıstıka jáne aqparat ortalyǵynyń avtomattandyrylǵan júıelerdi súıemeldeý, tehnıkalyq qamtamasyz etý jáne qyzmet kórsetý bóliminiń bas mamany, 2001-2005 jyldary QR Bas prokýratýrasynyń Quqyqtyq statıstıka jáne arnaıy esepke alý jónindegi komıtetiniń Pavlodar oblysy boıynsha basqarmasynyń baǵdarlamalyq jáne avtomattandyrýdy qamtamasyz etý tobynyń prokýrory, aǵa prokýrory, 2006 jyly Qazaqstan Respýblıkasy Ekonomıkalyq qylmysqa jáne sybaılas jemqorlyqqa qarsy kúres agenttiginiń Aqparattyq-taldaý departamentiniń bólim bastyǵy boldy.
2006 jyly QR Bas prokýratýrasynyń Quqyqtyq statıstıka jáne arnaıy esepke alý jónindegi komıtetiniń quqyqtyq statıstıkany qalyptastyrý basqarmasynyń baǵdarlamalyq jáne avtomattandyrýdy qamtamasyz etý bóliminiń prokýrory. 2006-2009 jyldary Qazaqstan Respýblıkasy Bas prokýratýrasynyń Quqyqtyq statıstıka jáne arnaıy esepke alý jónindegi komıtetiniń taldaý jumysy jáne quqyqtyq retteý basqarmasynyń aqparattyq tehnologııalar bóliminiń aǵa prokýrory qyzmetin atqardy. 2009-2010 jyldary Qazaqstan Respýblıkasy Bas prokýratýrasynyń Quqyqtyq statıstıka jáne arnaıy esepke alý jónindegi komıtetiniń taldaý jumysy jáne quqyqtyq retteý basqarmasynyń aqparattandyrý bóliminiń bastyǵy boldy. 2010-2019 jyldary QR Bas prokýratýrasynyń Quqyqtyq statıstıka jáne arnaıy esepke alý jónindegi komıtetiniń taldaý jumysy jáne quqyqtyq retteý basqarmasynyń aqparattandyrý jáne aqparattyq qaýipsizdik bóliminiń bastyǵy. 2015-2019 jyldary Qazaqstan Respýblıkasy Bas prokýratýrasynyń Quqyqtyq statıstıka jáne arnaıy esepke alý jónindegi komıtetiniń aqparattyq-taldaý jumysy basqarmasynyń bastyǵy, 2019-2021 jyldary Aqparattandyrý jáne tsıfrlyq damý basqarmasynyń bastyǵy qyzmetin atqardy.
2021 jyldyń mamyr aıynan bastap qazirgi qyzmetinde.
31 jyl buryn (1993) júzýden Azııa paralımpıada oıyndarynyń bes dúrkin chempıony Ánýar Erlanuly AHMETOV dúnıege keldi.
Aqmola qalasynda týǵan. 2011 jyly L.N. Gýmılev atyndaǵy Eýrazııa ulttyq ýnıversıtetin «dene shynyqtyrý jáne sport» mamandyǵy boıynsha támamdaǵan. 2009-2012 jyldary Múgedek-sportshylar arasynda júzýden QR chempıonattarynyń júldegeri jáne chempıony, 2010 jyly Gýanchjoý (Qytaı) Azııa paralımpıada oıyndarynyń qatysýshysy, 2014 jyly júzýden Azııa paralımpıada oıyndarynyń bes dúrkin chempıony. 2012 jyly Ulybrıtanııadaǵy ashyq chempıonatta kúmis, eki qola medal ıelengen.
2015 jyly «Dene shynyqtyrý, sport jáne týrızmdi damytýǵa qosqan úlesi úshin» qurmet belgisimen marapattalǵan.
