9 mamyr. Týǵan kún ıeleri

ASTANA. QazAqparat – Búgin, 9 mamyrda tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER

90 jyl buryn (1933-1994) sport jýrnalısi, pýblıtsıst jáne qoǵam qaıratkeri Seıdahmet BERDІQULOV dúnıege kelgen.

Almaty oblysy, Jambyl aýdanyna qarasty Qarakesek qystaǵynda týǵan. 1956 jyly QazUÝ-dyń jýrnalıstıka fakýltetin bitirgen.

1965—1970 jyldary «Qazaqstan pıoneriniń» redaktory, 1970–1986 jyldary «Lenınshil jas» (qazirgi «Jas alash») gazetiniń redaktory, 1986–1994 jyldary «Jalyn», «Balaýsa» baspalarynyń dırektory boldy. Shyǵarmalary: «Sol oramal joǵalmaıdy» (1965), «Júrek uıyqtaýdy bilmeıdi» (1966), «Jumyr jerde teńbil dop» (1968), «Egeýli naıza» (1969), «Aspannan shuǵa jaýǵan kún» (1975), «Muńaıyp oıanǵan qala» (1979), «Úshinshi podezd» (1980), «Perdesiz kóńil» (1983), «Arbaǵan máni bir sıqyr» (1987) jáne taǵy basqa.

69 jyl buryn (1954) QR memleket qaıratkeri Qaırat Ábdirazaquly MÁMI dúnıege keldi.

Almaty oblysynda týǵan. S.M. Kırov atyndaǵy Qazaq memlekettik ýnıversıtetin bitirgen. Quqyqtanýshy, z.ǵ.d., professor. Gýrev oblystyq soty stajeri, múshesi, tóraǵasynyń orynbasary, tóraǵasy (1981-1990), QazKSR Joǵary Sotynyń múshesi (1990-1993), Almaty qalalyq sotynyń tóraǵasy (1993-1995), Qazaqstan Respýblıkasy Joǵary Sot alqasynyń tóraǵasy (1996-1999), Qazaqstan Respýblıkasy Ádilet vıtse-mınıstri (1999), Qazaqstan Respýblıkasy Prezıdenti Ákimshiligi Basshysynyń orynbasary (1999-2000), Qazaqstan Respýblıkasy Joǵary Sotynyń Tóraǵasy (2000-2009), Qazaqstan Respýblıkasynyń Bas prokýrory (2009-2011) bolyp qyzmet istegen. 2011-2013 jyldary – QR Parlamenti Senatynyń tóraǵasy. Qazaqstan Respýblıkasy Joǵary Sotynyń Tóraǵasy (2013-2017). Qazaqstan Respýblıkasy Konstıtýtsııalyq Keńesiniń tóraǵasy (2017-2022).

«Parasat», ІІ dárejeli «Barys», «Uly Petr» ordenderimen, tórt medalmen marapattalǵan.

60 jyl buryn (1963) Abaı atyndaǵy Qazaq Ulttyq opera jáne balet teatrynyń dırektory Nurbaqyt Ábdiǵalıuly BÓKEBAEV dúnıege keldi.

Almaty oblysy, Shelek aýdanynyń Aşysaı aýylynda týǵan.

1981-1983 jyldary áskerı boryshyn ótegen. 1985-1987 jyldary Respýblıkalyq estrada tsırk stýdııasynyń vokal bólimin aıaqtap, 1987-1991 jyldary Almaty teatr óneri ınstıtýtyn «kıno jáne drama aktery» mamandyǵy boıynsha támamdaǵan.

1991-1992 jyldary Qazaqkontsert birlestiginiń solısi, kontsert júrgizýshisi, ákimshisi bolyp qyzmet atqardy. 1992-1995 jyldary Almaty qalasynda Mádenıet mınıstrliginiń bas mamany, 1995-1998 jyldary J.Elebekov atyndaǵy Respýblıkalyq estrada tsırk kolledjiniń akter bóliminiń meńgerýshisi jáne T. Júrgenov atyndaǵy Kıno jáne óner ınstıtýtynda dáris berdi. 1998-2000 jyldary T. Júrgenov atyndaǵy Kıno jáne óner ınstıtýtynyń prorektory qyzmetin atqardy. 2000-2005 jyldary Almaty qalasy Bostandyq aýdanynyń Іshki saıasat basqarmasynyń basshysy, 2005-2006 jyldary Almaty qalasynyń Іshki saıasat departamentiniń bas eksperti, 2006-2008 jyldary Almaty qalasynyń Kishi Assambleıasynyń tóraǵasy, 2008-2010 jyldary Astana qalasynda Mádenıet mınıstrligi Óner basqarmasynyń basshysy, 2010-2012 jyldary Ǵ. Músirepov atyndaǵy jasóspirimder teatry dırektorynyń birinshi orynbasary, 2012-2015 jyl aralyǵynda Abaı atyndaǵy Qazaq Ulttyq opera jáne balet teatry dırektorynyń birinshi orynbasary, 2016-2022 jyldary Qazaq memlekettik tsırkiniń dırektory qyzmetterin atqardy.

2022 jyldyń aqpan aıynan bastap Abaı atyndaǵy Qazaq Ulttyq opera jáne balet teatrynyń dırektory.

58 jyl buryn (1965) Dúnıejúzilik saýda uıymy jáne halyqaralyq ekonomıkalyq uıymdar janyndaǵy Qazaqstan Respýblıkasynyń turaqty ókili Janar Seıdahmetqyzy AITJANOVA dúnıege keldi.

Qazirgi Túrkistan oblysy Sozaq aýdany Jýantóbe aýylynda týǵan. S.M.Kırov atyndaǵy Qazaq memlekettik ýnıversıtetin, Vena Birikken ınstıtýtyn, Garvard ýnıversıtetiniń Dj.Kennedı atyndaǵy Memlekettik basqarý mektebin (AQSh) támamdaǵan.

Ýnıversıtetti bitirgennen keıin QazMÝ-de jáne MMÝ-de, Karlov jáne Ortalyq Eýropa ýnıversıtetterinde (Cheh Respýblıkasynyń Praga qalasy) mashyqtanýdan ótti. BUU-nyń Qazaqstan Respýblıkasyndaǵy Ókildiginde baǵdarlamalar úılestirýshisi, Mońǵolııadaǵy BUU-nyń úılestirýshisi jáne BUU-nyń Damý baǵdarlamasy Ókiliniń kómekshisi bolyp jumys istedi. BUU Damý baǵdarlamasynyń Nıý-Iork qalasyndaǵy Eýropa jáne TMD óńirlik bıýrosynyń Ortalyq Azııa elderi bóliminiń baǵdarlamalar jetekshisi boldy. 2003 jylǵy qyrkúıekte Qazaqstan Respýblıkasy Indýstrııa jáne saýda vıtse-mınıstri bolyp taǵaıyndaldy. 2005 jylǵy mamyrda oǵan Qazaqstan Respýblıkasynyń Dúnıejúzilik Saýda Uıymyna (DSU) kirýi jónindegi kelissózderdegi Qazaqstan Respýblıkasynyń Arnaıy ókiliniń mindetteri júkteldi. 2010 jyldyń naýryzynda Qazaqstan Respýblıkasy Ekonomıkalyq damý jáne saýda mınıstri bolyp taǵaıyndaldy. 2011 jylǵy sáýirde Qazaqstan Respýblıkasy Ekonomıkalyq ıntegratsııa isteri jónindegi mınıstr bolyp taǵaıyndaldy. 2016-2017 jyldary Qazaqstan Respýblıkasynyń Shveıtsarııa Konfederatsııasyndaǵy Tótenshe jáne Ókiletti Elshisi bolǵan. 2017-2019 jyldary Qazaqstan Respýblıkasynyń Shveıtsarııadaǵy, Lıhtenshteın Knıazdigi, Vatıkan Memleketi, Ierýsalım, Rodos jáne Maltadaǵy Tótenshe jáne Ókiletti Elshisi. Jeneva qalasyndaǵy Birikken Ulttar Uıymynyń bólimshesi jáne basqa da halyqaralyq uıymdar janyndaǵy Qazaqstan Respýblıkasynyń Turaqty ókili (2019-2022).

Qazirgi qyzmetinde – 2022 jyldyń qazanynan.

45 jyl buryn (1978) Qazaqstan Respýblıkasy Bas prokýrorynyń orynbasary Jandos Jánibekuly ÓMІRÁLIEV dúnıege keldi

Shymkent qalasynda týǵan. Abaı atyndaǵy Almaty memlekettik ýnıversıtetin bitirgen. 3-synypty memlekettik ádilet keńesshisi.

Eńbek jolyn 2000 jyly Ońtústik Qazaqstan oblysy Saıram aýdany prokýrorynyń kómekshisi qyzmetinen bastaǵan. 2004-2005 jyldary Ońtústik Qazaqstan oblysy prokýratýra basqarmasynyń prokýrory jáne aǵa prokýrory, 2005-2010 jyldary Ońtústik Qazaqstan, Aqtóbe oblystary prokýratýralarynyń jáne Batys óńirlik kólik prokýratýrasynyń orynbasary jáne basqarma bastyǵy, 2010 jyldan 2011 jylǵa deıin Bas prokýrordyń erekshe tapsyrmalar jónindegi aǵa kómekshisi – Zańdylyqty, quqyqtyq tártipti jáne qylmysqa qarsy kúresti qamtamasyz etý jónindegi úılestirý keńesiniń hatshysy, 2011-2017 jyldary Almaty qalasy prokýrorynyń orynbasary, 2017-2018 jyldary Bas prokýror Apparaty basshysynyń orynbasary jáne Bas prokýratýranyń Kadrlardy damytý departamentiniń bastyǵy, 2018-2022 jyldary Batys Qazaqstan oblysynyń prokýrory qyzmetin atqarǵan.

2022 jylǵy maýsymnan bastap - Qazaqstan Respýblıkasy Bas prokýrorynyń orynbasary.

4 5 jyl buryn (1978) Qazaqstan Respýblıkasy Qarjy monıtorıngi agenttigi tóraǵasynyń orynbasary Jeńis Farahatuly ELEMESOV dúnıege keldi.

Ońtústik Qazaqstan (qazirgi Túrkistan) oblysynda týǵan. Qazaq memlekettik zań akademııasyn bitirgen, zańger (2000); T. Rysqulov atyndaǵy Qazaq ekonomıkalyq ýnıversıtetin bitirgen, ekonomıst (2002); «MIRBIS» Máskeý Halyqaralyq Joǵary bıznes mektebi, iskerlik ákimshilik sheberi (MBA) (2013); RF Prezıdenti janyndaǵy Reseı halyq sharýashylyǵy jáne Memlekettik qyzmet akademııasy, memlekettik jáne mýnıtsıpaldyq basqarý (2014).

Eńbek joly: «AMT-2» jeke advokattyq keńsesiniń qyzmetkeri (1996-2000); Almaty oblysy boıynsha qarjy polıtsııasynda ártúrli qyzmet atqarǵan (2000-2008); Astana qalasy boıynsha Ekonomıkalyq qylmysqa jáne sybaılas jemqorlyqqa qarsy kúres departamentiniń ekonomıkalyq jáne qarjylyq qylmystardy ashý jónindegi 1-Basqarmasynyń ekonomıkalyq qylmystardy ashý bóliminiń bastyǵy, basqarma bastyǵynyń orynbasary – Astana qalasy boıynsha Ekonomıkalyq qylmysqa jáne sybaılas jemqorlyqqa qarsy kúres departamenti (qarjy polıtsııasy) arnaıy basqarmasynyń jedel qyzmet bóliminiń bastyǵy (2009-2010) bolyp qyzmet etti. Aqtóbe oblysy boıynsha departament bastyǵynyń orynbasary (2012-2014); memlekettik emes kommertsııalyq jáne qarjylyq qurylymdardaǵy qyzmet (2014-2019); QR QM MKK sotqa deıingi tergeý departamenti 3 tergeý basqarmasynyń asa mańyzdy ister boıynsha bas sarapshy – aǵa tergeýshisi (01.2019-03.2019); QR QM Qarjy monıtorıngi komıtetiniń sotqa deıingi tergeý departamentiniń basshysy (03.2019-06.2019); QR QM Qarjy monıtorıngi komıtetiniń Tergeý departamentiniń basshysy (06.2019-11.2019).

Atqaratyn laýazymynda – 2021 jylǵy aqpannan bastap.