9 qazan. Tulǵalar týǵan kún
Búgin, ıaǵnı 9 qazan kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
71 jyl buryn (1954) «PVASS» ShJQ RMK Atyraý fılıalynyń dırektory Amangeldi Qurmashuly QÝANALIEV dúnıege keldi.
Atyraý oblysynda týǵan. 1978 jyly Lenın atyndaǵy Qazaq polıtehnıkalyq ınstıtýtyn, 1985 jyly Almaty halyq sharýashylyǵy ınstıtýtyn bitirgen.
Eńbek joly: 2018-2021 jyldary Gýrev oblystyq atqarý komıtetiniń jetekshi ekonomısi; Almaty qalasy jáne Almaty oblysy ákimi orynbasarynyń keńesshisi; QR Tótenshe jaǵdaılar komıtetiniń bas ekonomısi, Almaty q.; «CCS» halyqaralyq kompanııasynyń Úkimetpen baılanys jónindegi bas menedjeri; Atyraý qalasy ákimdiginiń mehanıkalandyrý jáne kólik basqarmasynyń basshysy; «Atyraýózenports» AQ prezıdenti; «Atyraýmunaıgazgeologııa» AQ prezıdenti; «Neftegazvodstroı» JShS dırektory; «PVASS» ShJQ RMK Mańǵystaý fılıalynyń dırektory qyzmetterin atqardy.
2021 jyldyń jeltoqsan aıynan bastap qazirgi qyzmetinde.
65 jyl buryn (1960) Sársen Amanjolov atyndaǵy Shyǵys Qazaqstan ýnıversıtetiniń dırektorlar keńesiniń tóraǵasy Ámirhan Muratbekuly RAHYMJANOV dúnıege keldi.
Shyǵys Qazaqstan oblysy Úrjar aýdany Besterek kentinde týǵan. Semeı pedagogıkalyq ınstıtýtyn tarıh jáne qoǵamtaný pániniń oqytýshysy mamandyǵy boıynsha, Qazaq qarjy-ekonomıka ınstıtýtyn ekonomıst-menedjer mamandyǵy boıynsha bitirgen. Tarıh ǵylymdarynyń kandıdaty, saıası ǵylym doktory, professor.
Eńbek joly: 1977-1978 jyldary Semeı oblysy Úrjar aýdany Chapaev atyndaǵy kolhoz jumysshysy, 1981-1990 jyldary orta mektep oqytýshysy, kolhozdyń komsomol komıtetiniń hatshysy, Lenın atyndaǵy kolhozdyń partııa komıtetiniń hatshysy bolǵan. 1990-1991 jyldary Qazaqstan Kompartııasy Úrjar aýdandyq komıtetiniń saıası aǵartý kabınetiniń nusqaýshysy, meńgerýshisi, 1991-1995 jyldary mektep-lıtseı dırektory, Semeı oblystyq bilim departamenti bastyǵynyń orynbasary — oblystyq pedagogıkalyq kadrlardyń biliktiligin arttyrý ınstıtýtynyń dırektory, 1995-1999 jyldary Semeı qalalyq bilim berý basqarmasynyń bastyǵy, Semeı oblystyq bilim berý departamenti bastyǵynyń birinshi orynbasary, Shyǵys Qazaqstan oblysy Besqaraǵaı aýdany bilim berý bóliminiń meńgerýshisi qyzmetterin atqardy. Bilim berý, jalpy ákimshilik júıesi men japon tilin úırený maqsatynda memlekettik qyzmetshilermen almasý jobasy boıynsha Japonııada taǵlymdamadan ótti. 1999-2001 jyldary QR Densaýlyq saqtaý, bilim jáne sport mınıstrligi Orta jáne kásibı bilim komıtetiniń basqarma bastyǵy, QR Bilim jáne ǵylym mınıstrligi Orta bilim departamenti dırektorynyń orynbasary. 2001-2003 jyldary QR Premer-Mınıstriniń Keńsesi Áleýmettik-mádenı damý bóliminiń sektor meńgerýshisi, bólim meńgerýshisiniń orynbasary, 2003-2006 jyldary Astana qalasy bilim departamentiniń bastyǵy, 2006-2008 jyldary QR Prezıdenti Ákimshiliginiń bas ınspektory, Aqtóbe oblysy ákiminiń orynbasary, QR Mádenıet jáne aqparat vıtse-mınıstri bolyp eńbek etti. 2008-2010 jyldary Astana qalasy ákiminiń orynbasary, 2010-2012 jyldary «Nur Otan» Halyqtyq-Demokratııalyq partııasynyń Astana qalasy boıynsha fılıaly tóraǵasynyń birinshi orynbasary boldy, qosymsha Qazaq-Reseı ýnıversıtetiniń saıasattaný kafedrasynyń professory bolyp jumys istedi. 2012-2014 jyldary QR Prezıdenti Ákimshiliginiń Memlekettik baqylaý jáne aýmaqtyq-uıymdastyrý jumysy bóliminiń meńgerýshisi, 2014 jyldan bastap V shaqyrylǵan QR Parlamenti Májilisiniń depýtaty, «Nur Otan» partııasynyń partııalyq tizim boıynsha saılanǵan múshesi boldy. 2015-2017 jyldary QR Bilim jáne ǵylym mınıstrliginiń jaýapty hatshysy, 2017-2019 jyldary «Qazaqstan Respýblıkasynyń Tuńǵysh Prezıdenti — Elbasy kitaphanasy» MM dırektorynyń orynbasary qyzmetin atqardy. 2019-2021 jyldary «Qazaqstan Respýblıkasynyń Tuńǵysh Prezıdenti — Elbasy kitaphanasy» MM dırektory boldy.
2023 jyldyń jeltoqsan aıynan bastap qazirgi qyzmetinde.
«Qurmet» ordenimen (2010), medaldarmen marapattalǵan.
41 jyl buryn (1984) Qazaqstan Respýblıkasy Aýyl sharýashylyǵy vıtse-mınıstri Azat Sırajıddınuly SULTANOV dúnıege keldi.
Almaty qalasynda týǵan. Qazaq memlekettik zań akademııasyn, Qazaq gýmanıtarlyq zań ýnıversıtetin, Qazaq ulttyq agrarlyq zertteý ýnıversıtetin bitirgen.
Eńbek jolyn 2006 jyly jeke menshik kompanııada zańger bolyp bastaǵan. 2007-2010 jyldary QR Qarjy mınıstrligi Memlekettik múlik jáne jekeshelendirý komıteti Zań basqarmasynyń jetekshi mamany, sarapshysy, 2010 jyly QR AShM AÓK Innovatsııalyq saıasat jáne joǵary bilim basqarmasynyń bas sarapshysy bolyp jumys istedi. 2010-2012 jyldary QR aýyl sharýashylyǵy mınıstriniń kómekshisi, 2012-2014 jyldary QR AShM Kadr jáne ákimshilik qamtamasyz etý departamenti dırektorynyń orynbasary, 2014-2015 jyldary QR AShM Investıtsııalyq saıasat jáne qarjy quraldary departamenti dırektorynyń orynbasary, dırektory, 2015-2016 jyldary QR AShM Halyqaralyq yntymaqtastyq jáne ekonomıkalyq ıntegratsııa departamentiniń dırektory, 2016-2017 jyldary QR AShM Tamaq qaýipsizdigi departamenti dırektorynyń orynbasary, 2017-2018 jyldary QR AShM Ǵylymı-tehnologııalyq jáne tehnıkalyq saıasat departamentiniń dırektory, 2018-2021 jyldary QR AShM Eginshilik sharýashylyǵy ónimderin óndirý jáne qaıta óńdeý departamentiniń dırektory, 2021-2023 jyldary QR AShM Eginshilik sharýashylyǵy departamentiniń dırektory qyzmetin atqardy.
2023 jylǵy qazan aıynda aýyl sharýashylyǵy vıtse-mınıstri bolyp taǵaıyndaldy.
40 jyl buryn (1985) Respýblıkalyq elektrondy densaýlyq ortalyǵy bas dırektorynyń birinshi orynbasary Beıbit Sálimuly ESENBAEV dúnıege keldi.
Qaraǵandy qalasynda týǵan. Qaraǵandy memlekettik tehnıkalyq ýnıversıtetin «Mehatronıka jáne robotehnıka» mamandyǵy boıynsha (2008), Qaztutynýodaǵy Qaraǵandy ekonomıkalyq ýnıversıtetin «Ekonomıka» mamandyǵy boıynsha (2012), «QDSJM» Qazaqstandyq medıtsınalyq ýnıversıtetiniń magıstratýrasyn (2019) bitirgen.
Eńbek joly: 2006-2009 jyldary jekemenshik uıymda ınjener-baǵdarlamalaýshy, 2009-2011 jyldary QR Densaýlyq saqtaý mınıstrligi Investıtsııalyq jobalardyń monıtorıngi jáne damý basqarmasynyń sarapshysy, 2011-2013 jyldary QR Densaýlyq saqtaý mınıstrligi Strategııalyq damý departamentiniń basqarma sarapshysy, bas sarapshysy, basshysy qyzmetterin atqardy. 2013-2017 jyldary QR DSM bólimsheleriniń basshysy, 2017-2020 jyldary QR DSM Densaýlyq saqtaýdy tsıfrlandyrý departamentiniń dırektory, 2020-2022 jyldary QR DSM elektrondyq densaýlyq saqtaýdy damytý departamentiniń dırektory, 2022-2024 jyldary QR Densaýlyq saqtaý vıtse-mınıstri laýazymyn atqarǵan.
25 jyl buryn (2000) qazaq ziltemirshisi, álem chempıonatynyń kúmis júldegeri jáne Azııa chempıony Nurǵısa ÁDІLETULY dúnıege keldi.
Shymkent qalasynda týǵan.
2019 jyly jasóspirimder arasyndaǵy álem chempıonatynda tórtinshi oryn alsa, sol jyly jasóspirimder arasyndaǵy Azııa chempıonatynda kúmis júldeger atandy. 2020 jyly jasóspirimder arasyndaǵy Azııa chempıonatynda jeńimpaz atandy. 2022 jyldyń qazan aıynda ótken Azııa chempıonatynda qossaıys boıynsha 376 keli nátıjemen 96 kelige deıingi salmaqta tórtinshi oryn aldy. 2022 jyldyń jeltoqsan aıynda ótken álem chempıonatynda qossaıys boıynsha 383 keli nátıjemen 96 kelige deıingi salmaqta kúmis júldeger atandy. 2023 jyldyń mamyr aıynda qazaqstandyq sportshy qurlyq birinshiliginde altyn medal jeńip aldy.