9 qarasha. Tulǵalar týǵan kún
Búgin, 9 qarasha kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
77 jyl buryn (1948) QR memleket qaıratkeri Ońalsyn Islamuly JUMABEKOV dúnıege keldi.
Almaty oblysynda týǵan. 1974 jyly Kırov atyndaǵy Qazaq memlekettik ýnıversıtetin zańger mamandyǵy boıynsha bitirgen.
Eńbek joly: 1966-1969 jyldary Taldyqorǵan oblysy Aqsý aýdanyndaǵy Jańaqoǵam sovhozynda jumysshy, 1974-1980 jyldary Áýezov aýdany prokýratýrasynda stajer, tergeýshi, Qazaq KSR prokýratýrasynda tergeý bóliminiń prokýrory, 1980-1983 jyldary Qazaq KSR prokýrorynyń erekshe tapsyrmalar jónindegi kómekshisi, 1983-1985 jyldary Almaty qalasy Frýnze aýdandyq prokýratýrasynyń prokýrory, 1985-1990 jyldary Almaty oblysy prokýrorynyń orynbasary, 1990-1994 jyldary Mańǵystaý oblysynyń prokýrory, 1994-1996 jyldary Almaty oblysynyń prokýrory, 1997-2003 jyldary QR Bas prokýrorynyń orynbasary, 2003-2005 jyldary QR Ádilet mınıstri, 2005-2007 jyldary QR Ortalyq saılaý komıssııasynyń tóraǵasy, 2007-2008 jyldary QR Prezıdenti Ákimshiligi basshysynyń orynbasary, 2008-2012 jyldary QR Joǵarǵy sot keńesiniń tóraǵasy qyzmetin atqardy.
2007-2008 jyldary - QR Prezıdenti janyndaǵy Quqyqtyq saıasat jónindegi keńestiń tóraǵasy, 2012 jyldan bastap - QR Prezıdenti janyndaǵy Keshirim jasaý máseleleri jónindegi komıssııanyń múshesi.
1990 jyly QazKSR Joǵarǵy Keńesi depýtattyǵyna kandıdat, 2011 jyly «Nur Otan» HDP partııalyq tizimi boıynsha besinshi saılanǵan QR Parlamenti Májilisiniń depýtattyǵyna kandıdat, 2012-2016 jyldary V saılanǵan QR Parlamenti Májilisiniń depýtaty, Zańnama jáne sot-quqyqtyq reforma komıtetiniń múshesi.
«Dańq», «Parasat» ordenderimen, mereıtoılyq medaldarmen marapattalǵan.
66 jyl buryn (1959) «Arystan» Mamandandyrylǵan lıtseıiniń bastyǵy Murat Jaleluly MAIKEEV dúnıege keldi.
Aqtóbe qalasynda týǵan. 1980 jyly Almaty joǵary jalpy áskerı komandalyq ýchılışesin bitirgen.
Ofıtserlik qyzmetin motoatqyshtar vzvodynyń komandırinen bastaǵan. Ári qaraı motoatqyshtar rotasynyń komandıri, shtab bastyǵy – motoatqyshtar batalony komandıriniń orynbasary, motoatqysh batalonynyń komandıri laýazymdarynda qyzmet atqarǵan. 1994 jyly M.V. Frýnze atyndaǵy áskerı akademııanyń komandalyq fakýltetin bitirip, Respýblıkalyq ulan brıgadasynyń jaýyngerlik daıyndyq bólimi josparlaý jáne baqylaý bólimshesiniń bastyǵy laýazymyna taǵaıyndaldy. Odan ári qamtamasyz etý batalonynyń komandıri, brıgada komandıriniń orynbasary – jaýyngerlik daıyndyq bóliminiń bastyǵy, Respýblıkalyq ulan 1-shi (Almatylyq) polkiniń komandıri laýazymdarynda qyzmet atqardy.
1998 jyly motoatqyshtar dıvızııasy komandıriniń orynbasary laýazymynda qyzmet atqarǵan. 1998-2002 jyldary motoatqyshtar dıvızııasynyń komandıri boldy. 2002-2003 jyldary QR Qorǵanys mınıstrligi Tárbıe jáne áleýmettik-quqyqtyq jumystar departamentiniń bastyǵy, 2003-2009 jyldary QR Qarýly Kúshteri Aeroutqyr áskerleriniń qolbasshysy, 2010-2016 jyldary QR Qarýly Kúshteri Qurlyq áskerleriniń bas qolbasshysy qyzmetinde boldy. 2011 jylǵy 7 mamyrda QR Prezıdentiniń Jarlyǵymen «general-leıtenant» ataǵy berildi. 2016-2019 jyldary Qorǵanys mınıstriniń birinshi orynbasary –QR Qarýly Kúshteri Bas shtabynyń bastyǵy laýazymyn atqarǵan.
Qazirgi laýazymyn 2022 jyldyń qazan aıynan beri atqaryp keledi.
II dárejeli «Aıbyn», II dárejeli «Dańq» jáne I dárejeli «Dańq» ordenderimen marapattalǵan.
66 jyl buryn (1959) qazaq teatr jáne kıno aktrısasy, Qazaqstannyń eńbek sińirgen qaıratkeri Aıman Ótegenqyzy AIMAǴAMBET dúnıege keldi.
Qaraǵandy oblysynda týǵan. J.Jabaev atyndaǵy orta mektepti bitirgen. Almatydaǵy P.I. Chaıkovskıı atyndaǵy mýzykalyq kolledjdiń án jáne dırıjerlyq fakýltetin (1984); T.Júrgenov atyndaǵy óner akademııasynyń «Mýzykalyq-dramalyq kıno akteri» fakýltetin bitirgen (1989).
Eńbek joly: Jezqazǵan oblystyq fılarmonııasynyń «Jezkıik» ansambliniń ánshisi (1978-1980); Jezqazǵan mýzykalyq drama teatrynyń aktrısasy (1989-1991); Q.Qýanyshbaev atyndaǵy Memlekettik akademııalyq qazaq mýzykalyq-drama teatrynyń aktrısasy (1991); «Úzilgen besik jyryndaǵy» ana róli úshin HІІІ respýblıkalyq teatr festıvalinde «Úzdik áıel keıipkeri» nomınatsııasynyń jeńimpaz (2005); A.Chehovtyń «Shıe» komedııasyndaǵy Sharlotta róli úshin Qazaqstan drama teatrlarynyń XXIV respýblıkalyq festıvalinde «Úzdik spektakl» atalymy boıynsha jeńis (2016); Chelıabınsk qalasynda (Reseı) ótken V Halyqaralyq shaǵyn formatty teatrlar festıvalindegi jeńis, Túrki halyqtarynyń XIII Halyqaralyq «NAÝRYZ» teatr festıvalinde, Qazan q., Tatarstan Respýblıkasy (2017 j.).
47 jyl buryn (1978) Aqtóbe oblysynyń Tótenshe jaǵdaılar departamenti bastyǵy Qaharman Nurtasuly ORAZALIN dúnıege keldi.
Shyǵys Qazaqstan oblysynda týǵan. 2000 jyly Shákárim atyndaǵy Semeı memlekettik ýnıversıtetin, 2011 jyly Reseı TJM azamattyq qorǵaý akademııasyn bitirgen.
Eńbek joly: 2000-2020 jyldary Azamattyq qorǵanys bólimsheleriniń aǵa ofıtseri, Shyǵys Qazaqstan Tótenshe jaǵdaılar departamentiniń Áskerı jumyldyrý jáne arnaıy jumys bóliminiń bastyǵy, Astana qalalyq Tótenshe jaǵdaılar departamentiniń Azamattyq qorǵanys bólimi bastyǵynyń orynbasary, 2020-2024 jyldary QR Tótenshe jaǵdaılar mınıstrliginiń Tótenshe jaǵdaılarǵa den qoıý departamentiniń bastyǵy bolyp qyzmet atqardy.
Qazirgi qyzmetin 2024 jyldyń qyrkúıeginen beri atqaryp keledi.