9 qarasha. Tulǵalar týǵan kún
Búgin, 9 qarasha kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
75 jyl buryn (1948) QR memleket qaıratkeri Ońalsyn Islamuly JUMABEKOV dúnıege keldi.
Almaty oblysynda týǵan. 1974 jyly Kırov atyndaǵy Qazaq memlekettik ýnıversıtetin zańger mamandyǵy boıynsha bitirgen.
Eńbek joly: 1966-1969 jyldary Taldyqorǵan oblysy Aqsý aýdanyndaǵy Jańaqoǵam sovhozynda jumysshy, 1974-1980 jyldary Áýezov aýdany prokýratýrasynda stajer, tergeýshi, Qazaq KSR prokýratýrasynda tergeý bóliminiń prokýrory, 1980-1983 jyldary Qazaq KSR prokýrorynyń erekshe tapsyrmalar jónindegi kómekshisi, 1983-1985 jyldary Almaty qalasy Frýnze aýdandyq prokýratýrasynyń prokýrory, 1985-1990 jyldary Almaty oblysy prokýrorynyń orynbasary, 1990-1994 jyldary Mańǵystaý oblysynyń prokýrory, 1994-1996 jyldary Almaty oblysynyń prokýrory, 1997-2003 jyldary QR Bas prokýrorynyń orynbasary, 2003-2005 jyldary QR Ádilet mınıstri, 2005-2007 jyldary QR Ortalyq saılaý komıssııasynyń tóraǵasy, 2007-2008 jyldary QR Prezıdenti Ákimshiligi basshysynyń orynbasary, 2008-2012 jyldary QR Joǵarǵy sot keńesiniń tóraǵasy qyzmetin atqardy.
2007-2008 jyldary - QR Prezıdenti janyndaǵy Quqyqtyq saıasat jónindegi keńestiń tóraǵasy, 2012 jyldan bastap - QR Prezıdenti janyndaǵy Keshirim jasaý máseleleri jónindegi komıssııanyń múshesi.
1990 jyly QazKSR Joǵarǵy Keńesi depýtattyǵyna kandıdat, 2011 jyly «Nur Otan» HDP partııalyq tizimi boıynsha besinshi saılanǵan QR Parlamenti Májilisiniń depýtattyǵyna kandıdat, 2012-2016 jyldary V saılanǵan QR Parlamenti Májilisiniń depýtaty, Zańnama jáne sot-quqyqtyq reforma komıtetiniń múshesi.
«Dańq», «Parasat» ordenderimen, mereıtoılyq medaldarmen marapattalǵan.
66 jyl buryn (1957) Qazaqstanda alǵashqy EKU klınıkasynyń negizin qalaýshy, «Ekomed» klınıkalar jelisiniń bas dırektory Batyr Qarataıuly BEKMUSAEV dúnıege keldi.
Jambyl oblysy Sarysý aýdany Baıqadam aýylynda týǵan. 1980 jyly Almaty energetıka ınstıtýtyn bitirgen.
Eńbek joly: 1991 jylǵa deıin Qazaq KSR Tabıǵatty qorǵaý memlekettik komıtetiniń syrtqy baılanystar bóliminde qyzmet etti. 1991 jyly «Syrym» shaǵyn kásipornyn quryp, keıinirek qazaqtyń tuńǵysh «probırkasynyń» avtory Saltanat Baıqoshqarovanyń ıdeıasyn qarjylaı qoldaý maqsatynda bıznesin satyp jiberdi. 1995 jyly erli-zaıyptylar Qazaqstandaǵy alǵashqy EKU zerthanasynyń negizin qalady - «Ekomed» medıtsınalyq ortalyǵy. 2006 jáne 2010 jyldary Batyr Bekmusaevtyń jetekshiligimen Adam reprodýktsııasy jáne embrıologııa ınstıtýty, Qazaqstan adam reprodýktsııasy qaýymdastyǵy quryldy.
B. Musaev «Shynaıy povest» jáne «Jaýaby joq dúnıe» kitaptarynyń avtory.
63 jyl buryn (1960) QR Ortalyq saılaý komıssııasynyń múshesi Sábıla Saparqyzy MUSTAFINA dúnıege keldi.
Aqmola oblysynda týǵan. Tselınograd aýyl sharýashylyǵy ınstıtýtyn ekonomıst jáne aýyl sharýashylyǵy óndirisin uıymdastyrý mamandyǵy boıynsha, Komsomol Ortalyq Komıteti janyndaǵy joǵary komsomol mektebin saıasattanýshy mamandyǵy boıynsha bitirgen.
Eńbek joly: 1982-1983 jyldary Tselınograd zaýytynyń aǵa ekonomısi, 1983-1985 jyldary Tselınograd aýyl sharýashylyǵy ınstıtýtynda oqytýshy, komsomol komıtetiniń hatshysy, 1985-1991 jyldary Sovet aýdandyq komsomol komıtetiniń birinshi hatshysy, Qazaqstan LKJO Tselınograd oblystyq komıtetiniń ekinshi hatshysy, 1991-1995 jyldary Qazaqstan LKJO OK hatshysy, Qazaqstan Jastar odaǵy OK hatshysy boldy. 1995-1996 jyldary «Aısar» JShS bas dırektorynyń orynbasary, 1996-1999 jyldary Respýblıkalyq bıýdjettiń oryndalýyn baqylaý jónindegi Esep komıtetiniń konsýltanty, 1999-2002 jyldary QR Prezıdenti janyndaǵy Otbasy isi boıynsha Ulttyq komıssııa hatshylyǵynyń meńgerýshisi, 2002-2003 jyldary QR Prezıdenti Keńsesiniń memlekettik ınspektory, 2004 jylǵy sáýir-qarasha aılarynda QR Memlekettik hatshysynyń bas ınspektory, 2004-2006 jyldary Astana qalasy ákiminiń orynbasary, QR Prezıdenti Ákimshiligi ishki saıasat bóliminiń áleýmettik sala sektorynyń meńgerýshisi qyzmetin atqardy. 2008-2011 jyldary Astana qalasy Saryarqa aýdanynyń ákimi, 2011-2016 jyldary Astana qalasy Esil aýdanynyń ákimi, 2017-2019 jyldary QR Ortalyq saılaý komıssııasynyń hatshysy.
2021 jyldyń qyrkúıek aıynan bastap qazirgi qyzmetinde.
«QR Táýelsizdigine 10 jyl», «Qazaqstan Konstıtýtsııasyna 10 jyl», «Astananyń 10 jyldyǵy» medaldarymen marapattalǵan.
47 jyl buryn (1976) «QazMunaıGaz» UK AQ Munaı kásipshiligi qyzmetteri jáne kómirsýtekterdi kádege jaratý jobalary departamentiniń dırektory Jasulan Qajmuhametuly BALÝANOV dúnıege keldi.
Qazaq memlekettik basqarý akademııasyn ekonomıst mamandyǵy boıynsha bitirgen.
Eńbek jolyn «Invar» konsaltıngtik kompanııasynyń ekonomıka jáne qarjy bóliminiń bastyǵy bolyp bastaǵan. 2006-2014 jyldary «LÝKOIL Oversız Servıs Ltd» kompanııasynyń qarjy-ekonomıkalyq blogynda ártúrli laýazymdarda jumys istedi. 2014-2019 jyldary «Ózenmunaıgaz» AQ bas dırektorynyń ekonomıka jáne qarjy jónindegi orynbasary, Bıznes-josparlaý departamentiniń dırektory, Barlaýdy korporatıvtik jáne jobalardy qamtamasyz etý departamentiniń bastyǵy qyzmetin atqardy.
2020 jyldan bastap qazirgi qyzmetinde.
64 jyl buryn (1959) qazaq teatr jáne kıno aktrısasy, Qazaqstannyń eńbek sińirgen qaıratkeri Aıman Ótegenqyzy AIMAǴAMBET dúnıege keldi.
Qaraǵandy oblysynda týǵan. J. Jabaev atyndaǵy orta mektepti bitirgen. 1984 jyly Almaty qalasyndaǵy P.I. Chaıkovskıı atyndaǵy mýzykalyq kolledjdiń án jáne dırıjerlyq fakýltetin bitirgen. 1989 jyly Almaty qalasyndaǵy T. Júrgenov atyndaǵy qazaq ulttyq óner akademııasynyń «mýzykalyq-dramalyq kıno akteri» fakýltetin bitirdi.
1978-1980 jyldary Jezqazǵan oblystyq fılarmonııasynyń «Jezkıik» ansamblinde ánshi bolyp jumys istedi, 1989-1991 jyldary Jezqazǵan mýzykalyq drama teatrynda qyzmet etti.
1991 jyldan beri Q. Qýanyshbaev atyndaǵy Memlekettik akademııalyq qazaq mýzykalyq-drama teatrynda aktrısa.
