9 aıda 16,3 mln sharshy metr turǵyn úı paıdalanýǵa berildi
ASTANA. KAZINFORM – Elimizdiń 18 óńirinde qurylys jumystarynyń oń serpini baıqalady. Bul týraly búgin Úkimet otyrysynda Premer-Mınıstrdiń orynbasary – Ulttyq ekonomıka mınıstri Nurlan Baıbazarov aıtty.
- Qurylys joǵary ósý qarqynyn kórsetip otyr. Qurylys jumystarynyń ósýi 10,3 paıyzdy qurady. Ósýdiń joǵary kórsetkishi Memleket basshysynyń turǵyn úı qurylysy, kólik jáne áleýmettik ınfraqurylym qurylysy, sondaı-aq ınjenerlik jelilerdi modernızatsııalaý boıynsha tórt aýqymdy bastamasyn iske asyrýdyń arqasynda qamtamasyz etildi, - dedi ol.
Vıtse-premerdiń málimetinshe, oń serpin 18 óńirde tirkeldi. Bul rette qurylys-montajdaý jumystarynyń eń kóp ósýi Qyzylorda, Qaraǵandy, Jetisý jáne Túrkistan oblystarynda, óurylys jumystarynyń tómendeýi Atyraý jáne Mańǵystaý oblystarynda baıqalady.
- Bıyl qańtar-qyrkúıekte 16,3 mln sharshy metr turǵyn úı paıdalanýǵa berildi. Bul ótken jyldyń sáıkes kezeńinen 8,3 paıyzǵa artyq. Eń joǵary kórsetkishter Shymkent qalasynda, sondaı-aq Pavlodar, Túrkistan, Ulytaý jáne Qyzylorda oblystarynda tirkeldi», - dedi Nurlan Baıbazarov.