8 jastaǵy bala jalǵyz bolǵan: Óskemende turǵyn úıden órt shyqty

ÓSKEMEN. QazAqparat – Óskemen qalasynda 8 jastaǵy bala jalǵyz qalǵan úıde órt shyǵyp, kórshisi men polıtseı kómekke keldi, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, búgin Óskemendegi Vınogradov kóshesinde ornalasqan kópqabatty úıden órt shyqqan.

9-shy qabattaǵy páterdiń balkony otqa orandy. Sol kezde úıde 8 jastaǵy bala jalǵyz otyrǵan. Osy mańda kele jatqan polıtsııa qyzmetkeri Jandos Rahmetuly men kórshi turatyn Dýman Rahymbaev órtti baıqap, birden kómekke umtyldy.

«Olar páterge kirip, órtti óz kúshimen sóndire bastady. Arasynda órt sóndirýshilerdi de shaqyryp úlgergen. Oqıǵa ornyna jyldam kelgen TJD qyzmetkerleri 4 sharshy metrge jaıylǵan tilsiz jaýdy aýyzdyqtady», - delingen habarlamada.

Aldyn ala boljam boıynsha, qyzyl jalynnyń shyǵý sebebi – kondıtsıonerdi paıdalaný kezinde órt qaýipsizdigi talaptaryn saqtamaý. Otpen kúreske barlyǵy 7 tehnıka men 22 adam jumyldyryldy.