8 sáýir. Tulǵalar týǵan kún
Búgin, 8 sáýir kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
66 jyl buryn (1960) Túrkitildes elderi áleýmettanýshylar odaǵynyń prezıdenti Marat Muhanbetqazyuly TÁJIN dúnıege keldi.
Aqtóbe qalasynda týǵan. 1981 jyly Almaty halyq sharýashylyǵy ınstıtýtyn, ekonomıst mamandyǵy boıynsha bitirgen. 1985 jyly fılosofııa ǵylymdarynyń kandıdaty atandy. 1988 jyly áleýmettaný ǵylymdarynyń doktory, London ýnıversıtetiniń doktoranty.
QR Áleýmettik ǵylymdar akademııasynyń akademıgi, Reseıdiń áleýmettik ǵylymdar akademııasynyń akademıgi, Reseıdiń jaratylystaný ǵylymdary akademııasynyń sheteldik akademıgi, QR saıası ǵylymdar akademııasynyń akademıgi jáne prezıdenti, QR áleýmettanýshylar qaýymdastyǵynyń prezıdenti, Túrki tildes elder áleýmettanýshylar odaǵynyń prezıdenti.
1981-1983 jyldary Qazaq KSR Ǵylym akademııasy Óndiristik kúshterdi zertteý jónindegi keńestiń kishi ǵylymı qyzmetkeri, 1983-1987 jyldary aspırant, S.M.Kırov atyndaǵy Qazaq memlekettik ýnıversıtetiniń oqytýshysy, 1991-1992 jyldary ál-Farabı atyndaǵy QazMÝ janyndaǵy qoǵamdyq ǵylymdar oqytýshylarynyń biliktiligin arttyrý ınstıtýtynyń kafedra meńgerýshisi, 1992-1993 jyldary QR Prezıdenti jáne Mınıstrler Kabıneti apparatynyń ishki saıasat bólimi meńgerýshisiniń birinshi orynbasary, 1993 jyly QR Prezıdenti jáne Mınıstrler kabıneti apparatynyń Aqparattyq-taldaý ortalyǵynyń jetekshisi – QR Prezıdenti apparatynyń Іshki saıasat bóliminiń meńgerýshisi, 1993-1994 jyldary QR Prezıdenti apparaty basshysynyń orynbasary – QR Prezıdenti apparatynyń Aqparattyq-taldaý ortalyǵynyń jetekshisi, 1994-1995 jyldary QR Prezıdentiniń memlekettik keńesshisi – QR Prezıdenti Apparatynyń Aqparattyq-taldaý ortalyǵynyń jetekshisi, 1995-1999 jyldary QR Prezıdenti Ákimshiligi basshysynyń orynbasary – QR Prezıdenti Ákimshiligi Taldaý jáne strategııalyq zertteýler ortalyǵynyń jetekshisi, 1999-2001 jyldary QR Prezıdentiniń Ulttyq qaýipsizdik máseleleri jónindegi kómekshisi – QR Qaýipsizdik keńesiniń hatshysy, 2000 jyly QR Sybaılas jemqorlyqpen kúres jónindegi memlekettik komıssııa tóraǵasy, 2001 jyly QR Ulttyq qaýipsizdik komıtetiniń tóraǵasy, 2001-2002 jyldary QR Prezıdentiniń Ulttyq qaýipsizdik máseleleri jónindegi kómekshisi – QR Qaýipsizdik keńesiniń hatshysy, 2002-2004 jyldary QR Prezıdenti Ákimshiligi basshysynyń birinshi orynbasary, 2004-2005 jyldary Іshki saıasat basqarmasynyń meńgerýshisi – QR Prezıdenti Ákimshiligi basshysynyń birinshi orynbasary, 2005-2006 jyldary QR Prezıdenti Ákimshiligi basshysynyń birinshi orynbasary, 2006-2007 jyldary QR Prezıdentiniń kómekshisi – QR Qaýipsizdik keńesiniń hatshysy, 2007-2009 jyldary QR Syrtqy ister mınıstri, 2009-2013 jyldary QR Prezıdentiniń kómekshisi – QR Qaýipsizdik keńesiniń hatshysy, 2013-2014 jyldary QR Memlekettik hatshysy, 2014-2017 jyldary Qazaqstan Respýblıkasynyń Reseı Federatsııasyndaǵy Tótenshe jáne ókiletti elshisi, 2017-2019 jyldary QR Prezıdenti Ákimshiligi basshysynyń birinshi orynbasary, 2019 jyly QR memlekettik hatshysy, 2019-2023 jyldary Qazaqstan Respýblıkasynyń Cheh Respýblıkasyndaǵy Tótenshe jáne ókiletti Elshisi qyzmetin atqarǵan.
«Qurmet», І dárejeli «Barys», ІІ dárejeli «Barys» ordenderimen jáne alty medalmen marapattalǵan. Qazaqstan Respýblıkasy ulttyq qaýipsizdik organdarynyń qurmetti qyzmetkeri. Tótenshe jáne ókiletti elshi dárejesine ıe.
60 jyl buryn (1966) VIII shaqyrylymdaǵy Parlament Májilisiniń depýtaty Aına Ermekqyzy MYSYRÁLІMOVA dúnıege keldi.
Aqmola oblysynda týǵan. Qaraǵandy memlekettik ýnıversıtetin (1990) Sh. Ýálıhanov atyndaǵy Kókshetaý memlekettik ýnıversıtetin (2007) bitirgen.
Eńbek joly: 1983-1984 jyldary Kókshetaý oblysy Lenın aýdany Bostandyq keńsharynda ortalyq tok jumysshysy, 1990-1992 jyldary Kókshetaý qalasy № 19 orta mektebiniń orys tili men ádebıeti muǵalimi, 1992 jyldary Kókshetaý oblystyq kásipodaǵy "Tulpar" shaǵyn kásipornynyń nusqaýshy-ádiskeri, 1992-1993 jyldary Kókshetaý oblysy Lenıngrad aýdany Qyzyltý orta mektebiniń orys tili men ádebıeti pániniń muǵalimi, 1993-1994 jyldary Kókshetaý oblystyq kásipodaǵynyń "Turan" ShK is júrgizý meńgerýshisi, 1994-1996 jyldary Kókshetaý qalalyq ákimshiliginiń tilder jónindegi qalalyq basqarmasynyń bas mamany, áleýmettik máseleler jónindegi bas mamany, 1996-1999 jyldary Kókshetaý qalasy ákiminiń baspasóz hatshysy, 1999-2000 jyldary Aqmola oblysy Aqparat jáne qoǵamdyq kelisim basqarmasynyń bas mamany, 2000-2002 jyldary Aqmola oblystyq Aqparat jáne qoǵamdyq kelisim basqarmasynyń BAQ reformalardy nasıhattaý jáne tilderdi damytý bóliminiń bastyǵy, 2002-2003 jyldary Aqmola oblysy ákimi apparatynyń Іshki saıasat jáne áleýmettik sala bóliminiń bas mamany, 2003-2005 jyldary Aqmola oblysy ákimi apparatynyń Іshki saıasat jáne áleýmettik sala bóliminiń meńgerýshisi, 2005-2008 jyldary Aqmola oblysy ishki saıasat departamenti dırektorynyń orynbasary, 2008-2011 jyldary Kókshetaý qalasy ákiminiń orynbasary, 2011-2012 jyldary
"QazAgro "Ulttyq holdıngi" AQ baspasóz qyzmetiniń baspasóz hatshysy, 2013 jyly Aqmola oblysy ákimi apparaty uıymdastyrý-ınspektorlyq bóliminiń bas maman-ınspektory, 2013-2015 jyldary Aqmola oblysy Arshaly aýdany ákiminiń orynbasary, 2015 jyly Aqmola halyq assambleıasy hatshylyǵynyń basshysy, 2015-2017 jyldary Aqmola oblysy ishki saıasat basqarmasynyń basshysy, 2017-2022 jyldary Aqmola oblysy ákiminiń orynbasary, 2022-2023 jyldary "AMANAT" partııasy Aqmola oblystyq fılıalynyń atqarýshy hatshysy, tóraǵasy laýazymyn atqarǵan.
Qazirgi qyzmetin 2023 jylǵy naýryz aıynan beri atqaryp keledi.
53 jyl buryn (1973) «AMANAT» partııasynyń Qaraǵandy oblystyq fılıalynyń tóraǵasy Bekzat Qomaruly ALTYNBEKOV dúnıege keldi.
Qaraǵandy oblysy, Aqtoǵaı aýdanynda týǵan. A.Ó.Baıqońyrov atyndaǵy Jezqazǵan ýnıversıtetin «Tarıh pániniń muǵalimi» mamandyǵy boıynsha, E.A.Bóketov atyndaǵy Qaraǵandy memlekettik ýnıversıtetin «zańger» mamandyǵy boıynsha bitirgen. Tarıh ǵylymdarynyń kandıdaty.
Eńbek jolyn 1992 jyly «Arqa eńbekkeri» gazetinde tilshi bolyp bastady. 1992-1993 jyldary Jezqazǵan oblystyq tele-radıo komıtetiniń Aqtoǵaı aýdandyq radıosynda tilshi-korrespondent bolyp qyzmet atqarǵan. 1993-1997 jyldary Jezqazǵan oblystyq tele-radıo kompanııasynyń tilshisi, telejúrgizýshisi, 1997-2001 jyldary Jezqazǵan qalasy №13 orta mektep dırektorynyń tárbıe jumysy jónindegi orynbasary, 2001-2004 jyldary Taldyqorǵan zań kolledjiniń Jezqazǵandaǵy fılıalynyń dırektory, 2006-2009 jyldary Qazaq qatynas joldary ýnıversıtetiniń Jezqazǵan aımaǵynda qashyqtyqtan oqytý ortalyǵynyń dırektory, 2009-2011 jyldary Jezqazǵan bıznes jáne kólik kolledjiniń quryltaıshysy.
Qazirgi laýazymyn 2022 jyldyń jeltoqsanynan beri atqaryp keledi.
Bilim berý isiniń qurmetti qyzmetkeri, Qazaqstan halqy Assambleıasynyń múshesi, «Altyn júrek» ulttyq syılyǵynyń ıegeri, «Shapaǵat» medalimen, «AMANAT» partııasynyń «Belsendi qyzmeti úshin», «Ult maqtanyshy» medalimen, «Jomart jan», «Qoǵam qaıratkeri» tósbelgilerimen marapattalǵan.
51 jyl buryn (1975) Qazaqstan Respýblıkasy Joǵary aýdıtorlyq palata múshesi Nurlan Amangeldiuly NURJANOV dúnıege keldi.
Ońtústik Qazaqstan oblysynda týǵan. Qaztutynýodaǵy Qaraǵandy ekonomıkalyq ýnıversıtetin bitirgen.
Eńbek joly: 1992-1993 jyldary «Shymkentmelıoratsııa» PMK-23 qyzmetkeri, 1997-1998 jyldary Shymkent qalasy boıynsha qarjy bóliminiń jetekshi mamany, 1998-2004 jyldary Ońtústik Qazaqstan oblysy boıynsha qarjy departamentiniń bas mamany, bólim bastyǵy, 2004-2008 jyldary Ońtústik Qazaqstan oblysy Kentaý qalasy boıynsha qarjy bóliminiń bastyǵy, 2008 jyly Ońtústik Qazaqstan oblysy ákimi apparatynyń ishki aýdıt qyzmeti bóliminiń bastyǵy, 2008-2009 jyldary Ońtústik Qazaqstan oblysy Ońtústik Qazaqstan oblysy ekonomıka jáne bıýdjettik josparlaý departamentiniń bólim bastyǵy, basqarma bastyǵynyń orynbasary, 2009-2013 jyldary Ońtústik Qazaqstan oblysynyń ekonomıka jáne bıýdjettik josparlaý basqarmasy bastyǵynyń orynbasary, 2013-2016 jyldary Ońtústik Qazaqstan oblysy boıynsha Tekserý komıssııasynyń tóraǵasy, 2016-2022 jyldary Respýblıkalyq bıýdjettiń atqarylýyn baqylaý jónindegi esep komıtetiniń múshesi qyzmetin atqardy.
2022 jyldyń jeltoqsan aıynan bastap qazirgi qyzmetinde.
«Eren eńbegi úshin» medalimen, vedomstvolyq jáne mereıtoılyq nagradalarmen, «Memlekettik aýdıt jáne qarjylyq baqylaý salasynyń qurmetti qyzmetkeri» tósbelgisimen marapattalǵan.
47 jyl buryn (1979) Qazaqstan Respýblıkasy Týrızm jáne sport mınıstrligi apparatynyń basshysy Rollan Serikuly SERІKOV dúnıege keldi.
Semeı oblysynda týǵan. Shákárim atyndaǵy Semeı memlekettik ýnıversıtetin bitirgen. T.Rysqulov atyndaǵy Qazaq ekonomıkalyq ýnıversıtetiniń PhD doktory.
Eńbek joly: 2000-2016 jyldary joǵary oqý ornynda oqytýshy, kafedra meńgerýshisi, kafedra dırektory qyzmetterin atqarǵan. 2017-2020 jyldary QR Bilim jáne ǵylym mınıstrligi Ulttyq testileý ortalyǵynyń testileýdi uıymdastyrý jáne ótkizý departamentiniń basshysy, 2021-2023 jyldary Dene shynyqtyrý jáne buqaralyq sport akademııasynda (Astana q.), Qazaq kúresi qaýymdastyǵynda basshylyq qyzmette jumys istedi. 2023-2024 jyldary QR Týrızm jáne sport mınıstrligi Sport jáne dene shynyqtyrý isteri komıteti tóraǵasynyń orynbasary laýazymyn atqarǵan. 2024 jyldan bastap – «Qazsportınvest» AQ Dırektorlar keńesiniń tóraǵasy.
2024 jyldyń qarasha aıynan bastap qazirgi qyzmetinde.
«Halyq Alǵysy» medalimen marapattalǵan (2020).
44 jyl buryn (1982) álemge áıgili boksshy, QR Ulttyq olımpıada komıtetiniń prezıdenti Gennadıı GOLOVKIN dúnıege keldi.
Qaraǵandyda týǵan. E.Bóketov atyndaǵy Qaraǵandy memlekettik ýnıversıtetiniń dene tárbıesi jáne sport fakýltetin bitirgen. 2003 jyldan beri «Astana batyry» jekpe-jek klýby» MKQK-da boks jónindegi nusqaýshy – sportshy. Universum Box Promotion múshesi (Nemis kásibı klýby, 2006). QR birinshiliginiń jeńimpazy (2000-2002); QR I spartakıadasynyń chempıony; jastar arasyndaǵy álem chempıony (2000); Shyǵys Azııa oıyndarynyń chempıony (2001); Azııa oıyndarynyń chempıony (Ońtústik Koreıa, Pýsan, 2002); jeke synaq boıynsha Álem kýbogynyń chempıony (2002); álem chempıony (2003); «A» klasty týrnırlerdiń birneshe márte jeńimpazy. 75 kg deıingi salmaqta álem chempıony (Bangkok, Taıland, 2003); Olımpıada oıyndarynyń 75 kg deıingi salmaqtaǵy kúmis júldegeri (Afına, Grekııa, 2004); «A» klasy týrnırleriniń kóp márte jeńimpazy.
Kásipqoı boksta WBO nusqasy boıynsha «Interkontınental» chempıondyq tıtýlynyń ıegeri (2010).
2024 jyldyń aqpan aıynan bastap qazirgi qyzmetinde.
Gennadıı Golovkın – orta salmaqta (73 kg) WBA, IBO jáne WBC nusqalary boıynsha álem chempıony. Kásipqoı boksta 40 jekpe-jek ótkizip, 38-de jeńiske jetken. QR sport sheberi (2000). Halyqaralyq klastaǵy sport sheberi (2002). Bokstan QR Eńbek sińirgen sport sheberi (2003). «Qurmet» ordenimen marapattalǵan.