8 maýsym. Tulǵalar týǵan kún
Búgin, 8 maýsym kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
58 jyl buryn (1966) Azııadaǵy ózara is-qımyl jáne senim sharalary keńesi (AÓSShK) Hatshylyǵynyń bas hatshysy Qaırat Shorauly SARYBAI dúnıege keldi.
Almaty qalasynda týǵan. Andreı Jdanov atyndaǵy Lenıngrad memlekettik ýnıversıtetin bitirgen.
Eńbek joly: 1988-1989 jyldary Qazaqstan Ǵylym Akademııasy Uıǵyrtaný ınstıtýtynyń aǵa zertteýshisi, 1989-1991 jyldary KSSR Ǵylym Akademııasynyń Til bilimi ınstıtýty Lenıngrad bólimshesiniń taǵylymger-zertteýshisi, 1991-1992 jyldary QR Syrtqy ister mınıstrligi Konsýldyq bóliminiń ekinshi hatshysy, 1992-1994 jyldary Qazaqstan Respýblıkasynyń Túrkııadaǵy Elshiliginiń úshinshi hatshysy, QR Syrtqy ister mınıstrligi Aqparattyq-taldamalyq basqarmasynyń keńesshisi, 1994-1996 jyldary Qazaqstan Respýblıkasynyń Túrkııadaǵy Elshiliginiń ekinshi hatshysy, 1996-1997 jyldary QR Prezıdenti Hattama qyzmetiniń jetekshisi qyzmetin atqarǵan. 1997-1998 jyldary QR Prezıdenti baspasóz qyzmetiniń jetekshisi — baspasóz hatshysy, 1998-1999 jyldary QR Syrtqy ister vıtse-mınıstri, 1999-2003 jyldary Qazaqstan Respýblıkasynyń Túrkııadaǵy Tótenshe jáne Ókiletti Elshisi, 2003-2007 jyldary Qazaqstan Respýblıkasynyń Germanııa Federatıvti Respýblıkasyndaǵy Tótenshe jáne Ókiletti Elshisi, 2007-2008 jyldary QR Syrtqy ister mınıstriniń orynbasary, 2008-2010 jyldary QR Prezıdentiniń kómekshisi laýazymyn atqardy. 2010-2014 jyldary QR Syrtqy ister mınıstriniń orynbasary, 2014 jylǵy aqpannan QR-nyń Aýstrııadaǵy Tótenshe jáne Ókiletti elshisi, Slovenııadaǵy elshi qyzmetin qosa atqardy. 2014-2017 jyldary Venadaǵy halyqaralyq uıymdar janyndaǵy Qazaqstannyń turaqty ókili boldy. 2020-2022 jyldary Azııadaǵy ózara is-qımyl jáne senim sharalary keńesi (AÓSShK) Hatshylyǵynyń atqarýshy dırektory boldy.
Qazirgi qyzmetinde — 2022 jyldyń qazanynan.
«Eren eńbegi úshin», «Astana», «Qazaqstan Respýblıkasynyń táýelsizdigine 10 jyl», «Astanaǵa 10 jyl», «Qazaqstan Respýblıkasynyń Konstıtýtsııasyna 10 jyl» merekelik medaldarymen marapattalǵan. «Qyzmet úshin GFR Uly kresti» sheteldik orden ıegeri.
57 jyl buryn (1967) Qazaqstan Respýblıkasynyń Grek Respýblıkasyndaǵy Tótenshe jáne Ókiletti Elshisi Erlan Keńesuly BAÝDARBEK-QOJATAEV dúnıege keldi.
Taraz qalasynda týǵan. S. M. Kırov atyndaǵy Qazaq memlekettik ýnıversıtetin bitirgen, jýrnalıst.
Eńbek joly: 1992-2008 jyldary QR SІM aýmaqtyq basqarmalary men departamentterinde ártúrli laýazymdarda boldy. 2008-2016 jyldary Sıngapýr Respýblıkasyndaǵy, Aýstralııa men Jańa Zelandııadaǵy Tótenshe jáne Ókiletti Elshisi, 2016-2021 jyldary Qazaqstannyń Japonııadaǵy Tótenshe jáne Ókiletti elshisi boldy.
2021 jyldyń mamyrynan qazirgi qyzmetinde.
«Qazaqstan Konstıtýtsııasyna 10 jyl» (2005), «Astananyń 10 jyldyǵy» (2008) medaldarymen marapattalǵan.
55 jyl buryn (1969) Qazaqstannyń burynǵy Densaýlyq saqtaý mınıstri, «Ulttyq balalardy ońaltý ortalyǵy» KEAQ basqarma tóraǵasy Ajar ǴINIıAT dúnıege keldi.
Batys Qazaqstan oblysynda týǵan. 1992 jyly Aqtóbe memlekettik medıtsına ınstıtýtynyń pedıatrııa bólimin, 2007 jyly Sh. Esenov atyndaǵy Aqtaý memlekettik ýnıversıtetin «memlekettik jáne jergilikti basqarý» mamandyǵy boıynsha bitirgen, Almaty 2015 jyly Management University (ALMU), MVA, iskerlik ákimshilik boıynsha bilimin jetildirgen.
Eńbek joly: 1992-1994 jyldary Atyraýdaǵy № 2 qalalyq emhananyń ýchaskelik pedıatry, 1994 jyly Aqtaý qalasy № 1 medsanbóliminiń Balalar ınfektsııalyq bólimshesiniń ınfektsıonıst dárigeri, 1994-1999 jyldary Aqtaý qalasy № 1 medsanbóliminiń bólimshe meńgerýshisi, 1999-2001 jyldary Aqtaý qalasy oblystyq ınfektsııalyq aýrýhanasy bas dárigeriniń orynbasary qyzmetinde bolǵan. 2001-2005 jyldary Mańǵystaý oblystyq densaýlyq saqtaý basqarmasy bastyǵynyń orynbasary, 2005-2006 jyldary Mańǵystaý oblysynyń Densaýlyq saqtaý departamentiniń dırektory, 2008-2010 jyldary QR DSM medıtsınalyq kómekti uıymdastyrý departamentiniń basqarma bastyǵy, 2010-2014 jyldary QR DSM medıtsınalyq kómekti uıymdastyrý departamentiniń dırektory, 2014-2016 jyldary QR Densaýlyq saqtaý jáne áleýmettik damý mınıstrligi áleýmettik qyzmetter departamentiniń dırektory, 2016-2017 jyldary QR DSM medıtsınalyq kómekti uıymdastyrý departamentiniń dırektory, 2017-2020 jyldary QR Prezıdenti Іs Basqarmasy Medıtsınalyq ortalyǵy basshysynyń orynbasary, 2020-2022 jyldary QR Densaýlyq saqtaý vıtse-mınıstri qyzmetin atqarǵan.
2022 jyldyń qańtarynan 2024 jyldyń aqpanyna deıin QR Densaýlyq saqtaý mınıstri boldy.
2024 jyly naýryzda «Ulttyq balalardy ońaltý ortalyǵy» KEAQ basqarma tóraǵasy bolyp taǵaıyndaldy.
«Za vklad v sozdanıe Evrazııskogo ekonomıcheskogo soıýza» III dárejeli (2015), «Qazaqstan Respýblıkasynyń Táýelsizdigine 25 jyl» (2016), «Halyq Assambleıasyna 20 jyl» (2015) medaldarymen, «Qazaqstan Respýblıkasy densaýlyq saqtaý isiniń úzdigi» (2005), «Densaýlyq saqtaý isine qosqan úlesi úshin» (2010), «Úzdik memlekettik qyzmetshi» tósbelgilerimen marapattalǵan (2018).
