8 mamyr. Tulǵalar týǵan kún
Búgin, 8 mamyr kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
87 jyl buryn (1937) qazaqtyń ataqty akteri, rejısser Asanáli ÁShІMOV dúnıege keldi.
Jambyl oblysynda týǵan. Qurmanǵazy atyndaǵy memlekettik konservatorııany bitirgen, drama teatrynyń akteri. T.Júrgenov atyndaǵy ulttyq óner akademııasynyń professory. Birneshe kitaptyń avtory.
1961 jyldan «Qazaqfılm» kınostýdııasynyń jáne 1964 jyldan M.Áýezov atyndaǵy Qazaq memlekettik akademııalyq drama teatrynyń akteri boldy. «Botagóz», «Asaý Ertis jaǵasynda», «Bir aýdanda», «Ushy-qıyrsyz jol» «Qyz Jibek», «Atamannyń aqyry», «Transsibir ekspresi», «Jaýshy» jáne basqa da kóptegen fılmderge túsken. Teatrda «Abaı» spektaklinde Abaı, «Eńlik-Kebekte» Kebek, «Qaraqypshaq Qobylandyda» Shýaq, «Qan men terde» Elaman rólderin somdady. N.Gogoldiń «Revızoryn», Ǵ.Músirepovtiń «Amangeldi», N.Oranbaevtyń «Men ishpegen ý bar ma?» J.Aımaýytovtyń «Aqbilek» spektaklderin sahnalady. «Shoqan Ýálıhanov», «Qozy Kórpesh - Baıan sulý», «Siz kimsiz, Ka myrza?» fılmderin túsirdi.
«Otan» ordenimen, M.V.Lomonosov atyndaǵy, «Altyn qyran» ordenderimen marapattalǵan. KSRO jáne QR Halyq ártisi, KSRO Memlekettik syılyǵynyń laýreaty.
63 jyl buryn (1961) Qazaqstan Respýblıkasy Parlamenti Senatynyń depýtaty, Qarjy jáne bıýdjet komıtetiniń múshesi Nurlan Jeksembaıuly BEKENOV dúnıege keldi.
Kókshetaý oblysynda týǵan. Tselınograd aýyl sharýashylyǵy ınstıtýtyn, Kókshetaý ekonomıka jáne menedjment ınstıtýtyn bitirgen.
Eńbek jolyn 1979 jyly bastaǵan jáne 1994 jylǵa deıin Kókshetaý oblysynyń Aýyl sharýashylyǵy salalarynda jumys istegen. 1994-1996 jyldary Kókshetaý oblysy Qarjylyq baqylaý basqarmasynyń bas baqylaýshy-revızory, 1996-1997 jyldary Kókshetaý oblysy Salyq basqarmasynyń bas salyq ınspektory, 1997-1998 jyldary Kókshetaý qalasy ákimi apparatyń naryqtyq qatynastar, kásipkerlik bólimi meńgerýshisi, 1998-2000 jyldary Tabıǵı monopolııalardy retteý jáne básekelestikti qorǵaý jónindegi agenttiginiń Aqmola oblysy boıynsha departament dırektorynyń orynbasary qyzmetinde boldy. 2000-2007 jyldary QR Qarjy mınıstrligi Qarjylyq baqylaý komıtetiniń Aqmola oblysy boıynsha basqarmasy bastyǵynyń orynbasary, 2007-2009 jyldary Aqmola oblysy boıynsha Halyq bankiniń zeınetaqy qorynyń dırektory, 2010-2011 jyldary QR Qarjy mınıstrligi Qarjylyq baqylaý komıtetiniń býhgalterlik esep jáne qarjylyq eseptilik salasyndaǵy baqylaý jáne akkredıtteý basqarmasynyń bastyǵy, 2011-2017 jyldary QR Qarjy mınıstrligi Іshki memlekettik aýdıt komıtetiniń Aqmola oblysy boıynsha ishki memlekettik aýdıt departamentiniń basshysy, 2017-2018 jyldary Aqmola oblysy Memlekettik satyp alý jáne kommýnaldyq menshik basqarmasynyń basshysy, 2018-2020 jyldary Aqmola oblysy boıynsha Tekserý komıssııasynyń tóraǵasy qyzmetin atqarǵan.
Qazirgi qyzmetin 2020 jyldyń tamyz aıynan bastap atqaryp keledi.
«Qazakstan Konstıtýtsııasyna 20 jyl», «Qazakstan Respýblıkasynyń Táýelsizdike 25 jyl», «Qazaqstan Respýblıkasynyń polıtsııasyna 25 jyl», «Eren eńbegi úshin», «Qazakstan Konstıtýtsııasyna 25 jyl», «Qazaqstannyń Eńbek Eri» medaldarimen marapattalǵan.
54 jyl buryn (1970) Pavlodar oblysy ákiminiń orynbasary Aızada Amangeldiqyzy QURMANOVA dúnıege keldi.
Pavlodar oblysynyń Jelezın aýdany Abaı aýylynda týǵan. 1992 jyly Pavlodar pedagogıkalyq ınstıtýtyn orys tili muǵalimi mamandyǵy boıynsha bitirgen.
Eńbek jolyn 1992 jyly Pavlodar oblysy Maı aýdany Aqshıman orta mektebinde bastady. 1996-1998 jyldary osy mektepte dırektordyń orynbasary, dırektor bolyp jumys istedi. 1998-2002 jyldary Ekibastuz qalasynyń №10 jalpy bilim berý orta mektebinde muǵalim, dırektordyń tárbıe isi jónindegi orynbasary bolyp eńbek etti. 2002-2009 jyldary Ekibastuz qalasy ákimdiginiń ishki saıasat bóliminiń bastyǵy, Ekibastuz qalasy ákiminiń áleýmettik máseleler boıynsha orynbasary qyzmetin atqarǵan. 2009-2011 jyldary Pavlodar oblysy ishki saıasat basqarmasynyń basshysy, 2011-2014 jyldary Pavlodar oblysy Lebıaji aýdanynyń ákimi, 2014-2016 jyldary «Nur Otan» partııasy Pavlodar oblystyq fılıaly tóraǵasynyń birinshi orynbasary boldy.2016-2020 jyldary VІ shaqyrylymdaǵy QR Parlamenti Májilisiniń depýtaty, Ekonomıkalyq reforma jáne óńirlik damý komıtetiniń múshesi qyzmetin atqarǵan.
2020 jylǵy shildeden bastap qazirgi qyzmetinde.
53 jyl buryn (1971) QR premer-mınıstriniń birinshi orynbasary Roman Vasılevıch CKLıAR dúnıege keldi.
Pavlodar qalasynda týǵan. Ekonomıst jáne zańtaný mamandyqtary boıynsha Máskeý zamanaýı bıznes ınstıtýty men Qazaq quqyqtaný jáne halyqaralyq baılanys ınstıtýtyn bitirgen.
Eńbek joly: 1989-1990 jyldary «Ekibastuzkómiravtomatıka» montajdaý-jóndeý basqarmasynyń montajshy-slesary, «Kazpromtehmontaj» óndiristik-montajdaý basqarmasynyń Ekibastuz qurylys basqarmasynyń montajshysy bolyp jumys istegen. 1990-2002 jyldary kommertsııalyq qurylymdarda eńbek etken. 2002-2003 jyldary QR Qarjy mınıstrliginiń óteýge shamasy kelmeıtin qaryzdarymen jumys jónindegi komıtettiń Pavlodar oblysy boıynsha basqarmasynyń bólim bastyǵy qyzmetin atqarǵan. 2003-2005 jyldary Pavlodar qalasy boıynsha memlekettik satyp alý basqarmasynyń bastyǵy, Pavlodar qalasy ákiminiń orynbasary, 2005-2006 jyldary Pavlodar qalasy ákimi apparatynyń basshysy, ákim orynbasary, 2006-2007 jyldary Astana qalasynyń ákimi apparatynyń ınfraqurylymdy damytý bóliminiń meńgerýshisi, 2007-2008 jyldary Astana qalasynyń Energetıka jáne kommýnaldyq sharýashylyq departamentiniń dırektory, 2008-2010 jyldary Pavlodar oblysy ákiminiń orynbasary, 2010-2011 jyldary Pavlodar oblysy ákiminiń birinshi orynbasary bolyp eńbek etken. 2011-2013 jyldary QR Kólik jáne kommýnıkatsııa vıtse-mınıstri, 2014-2016 jyldary «Qazaqstan temir joly» AQ vıtse-prezıdenti boldy, 2016 jyly QR Parlamenti Májilisiniń VІ shaqyrylymynda «Nur Otan» partııasynan depýtat bolyp saılandy, Ekonomıkalyq reforma jáne óńirlik damý komıtetiniń tóraǵasy boldy. Sol jylǵy mamyrda QR ekonomıka vıtse-mınıstri qyzmetine taǵaıyndaldy. 2017-2019 jyldary QR ınvestıtsııalar jáne damý birinshi vıtse-mınıstri, 2019 jyly QR Indýstrııa jáne ınfraqurylymdyq damý mınıstri qyzmetin atqardy. 2019-2022 jyldary QR premer-Mınıstriniń orynbasary laýazymyn atqarǵan
Qazirgi laýazymynda – 2022 jylǵy qantar aıynan bastap.
«Qurmet», «Parasat» ordenderimen, «Qazaqstan Respýblıkasynyń Táýelsizdigine 20 jyl», «Astanaǵa 10 jyl» mereıtoılyq medaldarymen marapattalǵan.
47 jyl buryn (1977) Qazaqstan Respýblıkasynyń memleket qaıratkeri, Qazaqstan Respýblıkasy Parlament Májilisi Qoǵamdyq palatasynyń sarapshysy Aıjan Amangeldiqyzy SQAQOVA dúnıege keldi.
Almaty qalasynda týǵan. M.V.Lomonosov atyndaǵy Máskeý memlekettik ýnıversıtetin; akademık A.P.Kapıtsanyń ǵylymı mektebin bitirgen.
Eńbek joly: 2000-2012 jyldary ınjener, ekologııalyq jobalaý salasyndaǵy uıymnyń basshysy, 2011-2012 jyldary «Qazaqstan Respýblıkasynyń Ulttyq Injenerlik akademııasy» ǵylymı qyzmetkeri, 2010-2020 jyldary QR Qazaq tabıǵatty qorǵaý qoǵamy tóraǵasynyń orynbasary, 2013-2021 jyldary «Ál-Farabı atyndaǵy QazUÝ ekologııa problemalary ǵylymı-zertteý ınstıtýtynyń» dırektory, 2021-2023 jyldary QR Parlamenti Májilisiniń VII shaqyrylymynyń depýtaty, Ekologııa máseleleri jáne tabıǵat paıdalaný komıtetiniń múshesi qyzmetin atqarǵan.
«Qazaqstan Respýblıkasynyń ekologııa salasyna 30 jyl», ýnıversıtettiń damýyna qosqan úlesi úshin «Ál-Farabı atyndaǵy QazUÝ-ǵa 80 jyl» medaldarymen marapattalǵan. Qazaqstandaǵy qorshaǵan ortany qorǵaýǵa qosqan úlesi úshin «Altyn júrek» ulttyq syılyǵyna ıe bolǵan.
